榮記(東成)飯店

營業中

休息中

細細個成日嚟鵝頸街市度食嘢，呢日就同埋朋友一齊黎食，回味下童年嘅感覺。喺大排檔食嘢周圍都好熱鬧，完全無拘束嘅感覺。呢度嘅小菜價錢合理，好大眾化.......椒鹽鮮魷 外皮炸得鬆脆，唔會好多粉漿。鮮魷大大隻，成碟好大碟！xo腰果蝦乾銀魚又係大大碟，腰果好脆口，蝦乾大大條，啖啖肉。 銀魚都冇乜腥味。蝦米雜菜煲 叫得雜菜煲當然有好多唔同種類嘅菜啦，亦都有粉絲，粉絲幾好喎，唔會一夾就斷。啲湯都幾鮮味。豉椒炒蜆 好多時喺大排檔都會叫，呢度炒得幾入味，啲蜆都冇乜沙。