影片
更多
2013-11-18
66 瀏覽
上篇分享咗前菜小食、沙律、海鮮、肉類等等幾個大類別，跟住下篇會講店中拿手嘢「燒鳥」，以及蔬菜、熱食、食事、甜品……等等。繼續去片，再續串燒盛宴 。 雞鴨（14款）由於燒鳥喺黑炙嘅招牌，所以雞鴨類就陣容最龐大，足有14款選擇之多，由雞翼、雞肉、雞皮、軟骨、內臟，到鵪鶉蛋都有，所以，今次店家亦刻意準備多少少燒鳥款式俾我哋試，大飽口福之餘，更大開眼界 。 雞翼（$30串）：咪以為只喺普通嘅燒原隻雞翼，據介紹喺選用日本山口縣長州嘅走地雞，雖然雞味較淡，身型較瘦，但皮下脂肪少，肉質較嫩，而且對身體健康啲。最特別喺個拮法，兩條骨燒前已分開，所以食時變為方便得多，加上外皮甘香，肉嫩多汁，好味！好味！ 雞胸軟骨（價錢待定）：每隻雞只有1塊雞胸軟骨，所以1串就可以講喺用咗3隻雞。塊軟骨頗大件，黏連少少雞肉，但好襟咬，誇張啲講咬到牙骹軟，唔太啱自己口味，不過算喺一種見識； 雞骹軟骨（$22串） ：如一般常食到嘅雞軟骨，細細粒，燒得香口又鹹鹹爽爽； 日本長州雞肝（$38串）：雞肝燒好後，淋上以雞骨熬煮過濃郁雞汁，所以賣相比較黝黑，而味道變得濃郁，質感非常之粉，鍾愛食肝臟嘅人應該好對胃口；
雞鴨（14款）
由於燒鳥喺黑炙嘅招牌，所以雞鴨類就陣容最龐大，足有14款選擇之多，由雞翼、雞肉、雞皮、軟骨、內臟，到鵪鶉蛋都有，所以，今次店家亦刻意準備多少少燒鳥款式俾我哋試，大飽口福之餘，更大開眼界 。
雞翼（$30串）：咪以為只喺普通嘅燒原隻雞翼，據介紹喺選用日本山口縣長州嘅走地雞，雖然雞
味較淡，身型較瘦，但皮下脂肪少，肉質較嫩，而且對身體健康啲。最特別喺個拮法，兩條骨燒前已分開，所以食時變為方便得多，加上外皮甘香，肉嫩多汁，好味！好味！
雞胸軟骨（價錢待定）：每隻雞只有1塊雞胸軟骨，所以1串就可以講喺用咗3隻雞。塊軟骨頗大件，黏連少少雞肉，但好襟咬，誇張啲講咬到牙骹軟，唔太啱自己口味，不過算喺一種見識；
雞骹軟骨（$22串） ：如一般常食到嘅雞軟骨，細細粒，燒得香口又鹹鹹爽爽；
日本長州雞肝（$38串）：雞肝燒好後，淋上以雞骨熬煮過濃郁雞汁，所以賣相比較黝黑，而味道變得濃郁，質感非常之粉，鍾愛食肝臟嘅人應該好對胃口；帶子釀雞翼（價錢待定） ：驚喜以外，就喺正，雞翼之內釀入鮮帶子，手功已經唔容易，仲要燒得外脆（雞翼）內軟（帶子），既有甘香（雞翼），又有鮮甜（帶子），有創意嘅配搭，值得推介 ，只希望定價唔好太高啦；
自家製紫菜蘇免治雞肉棒（$68串） ：雞肉全以人手刴製，唔會用機攪，做出嚟質感細緻，唔會太爛溶溶，雞肉棒內又加入紫蘇葉、雞軟骨，令味道唔單調，口感唔單一 ，再配合埋日本無菌雞蛋黃，成本要成$6、$7一隻蛋，令雞肉棒多添蛋香，入口更滑溜，真捧！
溏心鵪鶉蛋（$28串）：有驚喜自然要推介，依款串燒鵪鶉蛋又喺一例，鵪鶉蛋先烚再燒，但師傅鑽研出做到流心效果，仲要好流心嗰隻，再淋上雞骨濃汁，效果一流 ，不得不佩服師傅嘅心思及膽識。
蔬菜（9款）豆腐（$20串）：雖然蔬菜類有9款供應，如冬菇、日本長蔥、蕃薯、粟米……等等，但燒菜今晚只預備咗一款「豆腐」，其實喺餐牌上嘅主廚推介之一。唔講唔知，店家唔用來貨嘅炸豆腐，豆腐都喺自家先炸後燒 ，燒時同樣掃上薄薄一朕雞骨濃汁，務求令味道富層次。
熱食（6款）鹽燒秋刀魚（價錢待定） ：採用日本秋刀，比台灣貨貴10倍，可見店方真喺不惜工本，況且，11月秋刀當造，正正不時不食。唔開肚原條鹽燒，做法簡單，最能帶出魚嘅鮮味，外皮焦香，做到皮脆肉嫩，嗒到點點鹽香，再唧啲檸汁，更能提鮮。內臟會有點點苦澀，更要滴多幾滴檸汁，緩和咗朕異味，效果唔同。
食事（8款）竹炭稻庭烏冬（冷）（$68份） ：烏冬雖然唔喺自家製，但仍以高成本購自日本，質感煙韌滑溜；而蘸麵湯汁就堅持自家做，以木魚花、鯖魚花、秘製醬油混合而成，烏冬沾過湯汁，香甜鮮美，涼快透心 。食完一大輪串燒，一份冷烏冬，適合不過；
燒飯團（$32個）：大大個嘅燒飯團一開二，燒得帶點焦香，不過個人感覺整體有啲硬實，另外， 飯團本身無乜點調味，較為淡口，建議糝少少竹鹽，效果更好。
甜品（4款）除幾款雪葩，就有自家製雪糕（$32客）。今晚分別試到芝麻味及薑汁味兩款，長條形，賣相精巧 。總結一句，超出預期。前者，芝麻味香濃不在話下，嗒落有粒粒芝麻口感；後者，薑味本身已經頗為突出，帶微辣，意外位喺食落有幼細薑絲、薑粒，就算唔可以驅寒，做得咁有誠意都叫人窩心啦 。
啤酒、紅酒、白酒、清酒、梅酒、燒酌、泡盛、威士忌及非酒精飲品，一應俱全。小弟是晚因事唔方便飲酒，所以點咗沖繩石榴汁（$38），原枝日本直送，雖然註明果汁成份只佔20%，但飲落石榴味濃郁，微酸 ，我就覺得幾適合食串燒時飲，可以解解油膩感 。
最後送上別緻嘅小糖果，中間「黑」字正正就喺「黑炙」商標，煞是有趣 。
除湯類（味噌湯及大蜆清湯）以外，基本上每一類食物都試咗一款以上，雖然日本串燒一向都唔便宜，但計及舒適環境、貼心服務、用料高質、技巧上乘、創作特別……等等，「黑炙」嘅竹炭鹽燒，都有能力直捲全城。
張貼
