居素屋日本野菜料理

營業中

休息中

食肉獸最怕口淡淡又食唔飽，呢間日式素食我絕對會encore！中華冷麵lunch set ($98+$15) 配3款前菜+甜品第一次試蒟蒻麵，質感有d似素海蜇，比芋絲更爽口彈牙。冰凍既麵、蕃茄、蛋絲同各種野菜索滿清新既冷麵汁，另附即磨芥辣，豐富既味道完全唔似食緊齋。作為前菜既牛油果沙律份量超多，下面係椰菜絲配芝麻醬，飽肚之選；家常菜筑前煮將蓮藕等蔬菜炆得甘甜軟糯；納豆拌秋葵冇乜味，但我鐘意秋葵輕鬆食哂，仲對腸胃好健康添。主食仲可以揀拉麵、素麵、糙米飯等，經常有新野，黎到未必食到我呢個組合架~ 食材新鮮、用心烹調，仲爭d飽到食唔哂，唔洗再食d扮肉既假齋喇。