新來發 (新來記食品) (已結業)

轉左環頭, 想搵間似樣d嘅食店都唔多覺有, 但放飯時間始終要搵個地方醫肚, 於是就盲中中黎左呢間食店!由於係放飯時間所以都幾多人, 不過一條友就好易搵個位, 坐底睇下有咩好食啦, 左諗右諗最後都係揀左叉燒飯, 加杯凍檸茶!一轉眼就有得食, 叉燒賣相絕對不靚, 又乾又瘦, d叉燒完全係唔新鮮嘅感覺, 口感其差, 好唔得囉; 而凍檸檬茶都算幾大杯, 不過味道一般, 可以接受啦!總括黎講叉燒質素絕對唔掂, 環境同服務都係一般, 而價錢絕對唔平, 埋單三十六蚊, 作為一個午餐同一碟叉燒飯黎講絕對算貴, 唔抵食; 今次真係要比喊臉, 皆因師傅真係接受唔到, 但估唔到呢個喊臉會係呢間食店嘅第一個? 莫非其他食物真係好掂? 不過師傅都應該冇下次!