Hunky Dory

營業中

休息中

Hunky Dory - 沙田📍沙田白石角香港科學園科技大道西19號19W大樓2樓245室朋友新居入伙，嚟到白石角，呢頭真係比較少黎，比起以前呢度多咗好多嘢食，呢間英國韓國fusion餐廳，感覺都好唔錯。呢度除咗係餐廳，亦都提供好多飲品，啤酒白酒咖啡，應有盡有，好啱呢度放工後happy hour。英國皇家牛肉漢堡 -$148喺云云嘅英國嘢食中，揀咗呢個漢堡。佢有沙律，薯條同burger。薯條脆卜卜，沙律都好fresh，係合格以上嘅伴菜。Burger嘅漢堡扒係手打嘅，好Juicy，又軟腍腍，但咬落去絕對唔會散，覺得最加分嘅係嗰個芝士，係用咗兩款芝士，鹹鹹香香咁樣，好正。$58 Set （湯加飲品）加咗錢轉做套餐，佢有蘑菇湯或者龍蝦湯揀，叫咗個龍蝦湯，超級香濃既龍蝦味，仲有啲cream，滑滑的。飲品叫咗凍檸茶少甜少冰，襯上漢堡解渴一流。韓國牛肉炒粉絲 - $138都要試吓啲韓國嘢，超大碟嘅一盤，個盤仲會浪起咗，好高級咁。粉絲煙煙韌韌、配上大量配料，有菇啦、牛肉啦，青椒、紅椒，仲有芝麻紫菜飯素。好重麻油味，又唔會特別鹹。佢仲有泡菜同紫菜湯，將泡菜加入粉絲度，辣辣地，提升成個層次。