帝玉庭 (已搬遷) 新店位置

星期六晚齊人，我地去左沙田既帝玉庭聚餐。首先每人叫左碗人參雞湯，好香人參味，而且湯好熱燙口，我地聞到d味已經忍唔住大淡大淡咁飲，d雞肉又浸滿人參味，好快就KO左d湯喇，即時成身都感到好暖。蟹粉扒豆腐蟹粉和豆腐味同樣香甜，豆腐又軟又滑，被切成一口一粒，佢淡淡既味道又唔會蓋過蟹粉既味道，反而更可以突出蟹粉既鮮味，連埋d飯一齊食就岩岩好。如果有多d蟹粉就更加好喇。似水牛蓮被枱上既傳單吸引，我地見到有一道菜叫「似水牛蓮」，係一道拎左美食之最大賞既食物，我地都好奇想試下，反正價錢唔係好貴，$280就夠我地4個人食喇，既然一家人食梗係要食d好野既。上菜既時候，佢既賣相好精緻，好似一架船咁，仲有脆盞同南瓜伴碟，好靚。d牛肉煎到好香，入面有d香菇，好有嚼勁。上面淋上d汁有少少辣味，食落去好juicy，d味食完好耐都仲留係口入面，果然係得獎作品~食物環境衛生都一流，一家人食飯最緊要係開開心心咁食一餐，我諗我以後都會多d黎，試下其他既特色小菜。