影片
更多
2009-04-27
72 瀏覽
同事無啦啦話搵日放工食泰國o野，我就帶o左佢o地去呢間我食o左兩次o既餐店，我到今次第三次先記得佢個名，「泰發泰國餐廳」！首先一讚老闆娘，一視同仁，我o地未入去等位前，我係門口攞完位之後行開o左去接我o的 friend，點知返到去又有人等，佢見老闆娘招呼我先，就同老闆娘講佢o地o黎先，又話自己係熟客，我都未開口，老闆娘就話係我攞位先，咁我o地就咁入o左去坐啦！未入去前，老闆娘叫我o地點菜先，怕我地等得耐，咁我o地就一輪嘴咁叫o左 ---鹽燒盲鰽 --- 見餐牌有燒魚，唔知咩魚好，問老闆娘，佢話「鹽燒盲鰽」係招牌菜，咁即管試o下，好鮮味，又唔會o鞋口，魚肉仲好滑，我個女同事仲一路食一路話好食串燒 --- 老闆娘介紹o既「燒雞腎」，我o地再加豬牛雞各一，嘩！「燒雞腎」果然一絕！超好食！又唔「un」，其他o的串燒最衰攤凍o左......泰式炒通菜 --- 菜夠爽口，唔諗又夠味！魷魚肉碎沙律 --- 我個同事話好辣，可能我食開辣，又唔覺得好辣，不過味道真係唔錯，加上佢有粉絲係底，索晒o的汁，好味好味！椰青咖哩海鮮配蒜蓉飽 --- 哼！呢個簡直令我一試難忘，我再返轉頭都係因為佢！先講個咖喱，
首先一讚老闆娘，一視同仁，我o地未入去等位前，我係門口攞完位之後行開o左去接我o的 friend，點知返到去又有人等，佢見老闆娘招呼我先，就同老闆娘講佢o地o黎先，又話自己係熟客，我都未開口，老闆娘就話係我攞位先，咁我o地就咁入o左去坐啦！
未入去前，老闆娘叫我o地點菜先，怕我地等得耐，咁我o地就一輪嘴咁叫o左 ---
鹽燒盲鰽 --- 見餐牌有燒魚，唔知咩魚好，問老闆娘，佢話「鹽燒盲鰽」係招牌菜，咁即管試o下，好鮮味，又唔會o鞋口，魚肉仲好滑，我個女同事仲一路食一路話好食
串燒 --- 老闆娘介紹o既「燒雞腎」，我o地再加豬牛雞各一，嘩！「燒雞腎」果然一絕！超好食！又唔「un」，其他o的串燒最衰攤凍o左......
泰式炒通菜 --- 菜夠爽口，唔諗又夠味！
魷魚肉碎沙律 --- 我個同事話好辣，可能我食開辣，又唔覺得好辣，不過味道真係唔錯，加上佢有粉絲係底，索晒o的汁，好味好味！
椰青咖哩海鮮配蒜蓉飽 --- 哼！呢個簡直令我一試難忘，我再返轉頭都係因為佢！先講個咖喱，用海鮮煮，已經唔差得去邊，佢仲刮埋o的椰青肉一齊煮，一入口......嘩！煮過o既椰青肉惗o左少少，撈埋融入o左海鮮精華o既咖喱，再配上香脆o既蒜蓉飽......一口咬落吸收o左少少咖喱汁o既蒜蓉飽，咖喱o既香直撲入口，加上惗o左但仲有少少脆o既蒜蓉飽，我完全唔明，佢點可以煮得咁好味！（順帶一提，我o地揀黃咖喱）
蝦醬炒飯 --- 連唔鍾意食飯o既我都不禁o黎o左一碗，蝦醬香得o黎唔會太鹹，好「o野」味！
炒金邊粉 --- 見佢紅紅o地，仲以為佢係辣，一入口，酸味味勁醒神，又開胃！不過我嫌佢炒得唔夠乾身，如果炒得乾身o的會更加好
坐低o左，即放一盤自家製蝦片，份量仲好多添！另外仲叫o左支啤酒，芒果汁同椰青，五個人食，每人都只係 $108！
其實去o個時有o的擔心同事唔o岩胃口，始終九龍城咁多泰國餐廳，可能佢o地覺得其他仲好食，不過見佢o地一路食一路讚，我就知冇介紹錯！
下次我要叫埋泰式拼盤！
張貼
