昭拍耶

營業中

休息中

放工同幾個舊同事去呢度食晚飯，一早book咗枱，7;30，當時已經有人排隊等抬，逢星期五六日，九龍城都好多人嚟食泰國菜，多得地鐵站嘅通車，令呢區晚上多咗好多人嚟食飯。其實九龍城間間泰國菜都差唔多，係價錢同環境差別，每間出名好食嘅菜式都唔同，呢間就出名南瓜咖喱炸軟殻蟹，睇相就知賣相唔太得，一盆叻喱湯係南瓜內甘，冇乜料係裹面，同菜單幅靚仔相差好遠呀！優點係軟殻蟹另上，唔會浸冧咗。咖喱唔辣，南瓜好甜，味道唔錯嘅。串燒要咗三串雞三串豬，水準中等，不會太乾，仲叫咗豬肉生菜包，呢個好味，辣道適中。蠔格上枱時好熱，鐵板滋滋聲，令人食指一動，蠔大隻飽滿，冇醒味，不過粉落得太多，而且偏油。蝦餅剛炸好上枱嘅，剛剛每人一件，好好味。pad tai 同柚子沙律都中準唔錯。叫咗兩碟每次必叫蔬菜，飛天通菜和椰菜苗，合格有餘，調味合適。其待下次再試下其他泰國菜館。