Syphon Coffee

營業中

休息中

朝頭早九點見冇乜人入去食啦，嗌咗個佢話手指公嘅公司三文治，菜都冇條；唯一好處就係夠熱。餐肉火腿芝士蛋正常發揮。我阿媽叫咗個腸仔煎蛋多士，冇乜特別。我就要咗個Flat white，佢話同人哋唔同，即管試吓，我覺得好普通。今日嘅焦點嚟 》我阿媽唔飲咖啡叫咗杯熱朱古力，上到嚟成隻杯半個唇膏印仍然響杯度🤬 係血紅色 （唔係淺淺一個）係半個嘴！ 跟住我話仲有成個唇膏印喎？！跟住佢話哎呀唔好意思。。。 有冇洗杯？ 佢應該就咁將個杯熱朱古力倒落另外隻杯度。以後都唔會再來！ 成間舖頭得三個人佢會有幾忙？