牛八両 (已結業)

有次行開商場經過呢間餐廳，見到火鍋底有香茅咸檸胡椒湯，覺得好新奇，已決定搵日去試下，見到Openrice訂座有88折優惠，當然趁機試下！本身貪心嘅我地想一次過試兩個湯底，鴛鴦鍋湯底收費係兩個湯底價錢加埋，覺得有點唔抵，所以今次只係試香茅咸檸胡椒湯呢個。落單時，feel到waiter同waitress好似新新地，回答唔算好肯定，餐廳有邊幾款啤酒都好似唔清楚咁，之後有個senior（/manager??)就明顯熟悉好多，同我地講解同推介湯底同牛我地最後揀左個二人platter，諗住一次過試到8款，我地最鐘意嘅係牛頸脊同牛小排，湯底方面我覺得都唔錯，值得試下，胡椒同咸檸檬唔會有其中一邊搶晒鏡，都幾得意，另外我地仲叫左個蔬菜盤，兩個人黎講份量岩岩好，如果胃口再大少少嘅可以叫多個烏冬嘅！