譚魚頭火鍋 (已結業)

今次搵埋女友媽咪一齊,三個人行完銅鑼灣及旺角shopping,九點前去拎飛預定九點後特價時段火鍋。九點我三人行完返到去,等幾分鐘就有位,期間見九點釉特價時段根本都唔駛點等位,入座後亦發覺成間店舖都坐唔滿客,感覺竟然旺角區晚飯特價時段都咁小人,一定係有問題!? 入座後即點鴛鴦湯底,麻辣魚頭湯及蕃茄湯底,點兩個魚頭好似約二三十元一個,但只係一個好細三份一魚頭部分,感覺都幾貴下。其他點肥牛肉、黃喉片、鮮枝竹、四寶丸、皇帝菜、白蘿蔔、白菜餃及豬粉腸。感覺湯底味道唔錯,但蕃茄湯底完全冇材料,只係用茄膏及茄汁開成。而其他食物都ok,只係豬粉腸有部份好苦。另叫一酌酸梅湯飲,感覺甜多過酸,味道唔及涼茶鋪好味。埋單四佰元找數元,因侍應服務態度較冷淡及久殷勤,所以覺得咁價錢唔係好值~