金撈老鴨湯刺身火鍋專門店 (已結業)

尋晚好開心同幾個老友搵到個落腳好地方，係位於佐敦嘅金撈老鴨湯刺身火鍋專門店，地點唔就腳，但勝在寧靜（仲可以泊車），完全可以建立專屬於自己嘅小天地- 金撈招牌老鴨湯：正到不得了，原隻老鴨放入嗰煲度慢煮，皮嫩肉滑，不輪單食，定係上湯飲落去，定係打邊爐落湯都係一流一流M9和牛刺身：擺盤靚絕，塊肉亦係靚絕，放落口咩都講唔出，就係成個口都係極濃牛味嗰種程度牛胸爽：唔多地方有得食，但識食一定要食，一個字爽，兩個字油脂味濃，係口感同味覺盛宴廣島蠔：大大隻又滑漏，蠔味突出，吸埋鴨肉濃湯，必有一番風味打邊爐最緊要過癮，全晚仲喪食左墨魚滑、魚腐、福州魚蛋、炸魚皮等等一堆打邊爐必叫配料，過足癮仲飽到上心口，最緊要係整埋枝啤酒，爽呀