影片
更多
2020-11-23
846 瀏覽
2020年11月14日星期六今日收工約左老婆係觀塘APM等，外母就黎生日，去APPLE店買樣實用既禮物🎁送俾佢，買完就落去德福廣場既A-1 Bakery訂左個蛋糕，完成晒要做既野就緊係要醫下個肚，諗起德福廣場平台有幾間野，之前都有試過其中啲餐廳，今次揀左間未試過既 茜廊餐廳 ，時間八點幾，疫情其間入餐廳前量度體溫，入到去坐底，伺應就拎MENU同餐具黎，餐具🍴係用一個鐵兜裝住，入面既仲要係熱水，出晒煙，好貼心👍🏼👍🏼👍🏼我望住本MENU，好多樣都想試，我就問有選擇困難症既老婆😂，佢都無答案之下，手指篤落意粉圖度，問佢點解揀呢個，佢話張圖靚，好吸引話想食，我話呢個有羽衣甘藍，我地兩個都唔太鐘意羽衣甘藍既味道，但最後都點左蒜片欖油羽衣甘藍蜆肉炒意粉🍝點解個名要咁長？😂😂同埋羊鞍拼黑松露飯，同埋一啲跟餐，後加配左薯條🍟。羽衣甘藍蜆肉炒意粉，黎到個賣相同圖片一樣咁吸引，食落仲好好味😋首先意粉軟硬適中，炒得乾濕度啱啱好，微微有汁，而且有雜菇令個汁更上一層好好味，蜆肉juice,最緊要無雪味，唯一好奇既係羽衣甘藍可能係用碎或粉，所以無左我地唔鐘意既果種味道。羊鞍拼黑松露飯，我第一口就試左個飯先，同意
今日收工約左老婆係觀塘APM等，外母就黎生日，去APPLE店買樣實用既禮物🎁送俾佢，買完就落去德福廣場既A-1 Bakery訂左個蛋糕，完成晒要做既野就緊係要醫下個肚，諗起德福廣場平台有幾間野，之前都有試過其中啲餐廳，今次揀左間未試過既 茜廊餐廳 ，時間八點幾，疫情其間入餐廳前量度體溫，入到去坐底，伺應就拎MENU同餐具黎，餐具🍴係用一個鐵兜裝住，入面既仲要係熱水，出晒煙，好貼心👍🏼👍🏼👍🏼
14 瀏覽
0 讚好
0 留言
我望住本MENU，好多樣都想試，我就問有選擇困難症既老婆😂，佢都無答案之下，手指篤落意粉圖度，問佢點解揀呢個，佢話張圖靚，好吸引話想食，我話呢個有羽衣甘藍，我地兩個都唔太鐘意羽衣甘藍既味道，但最後都點左蒜片欖油羽衣甘藍蜆肉炒意粉🍝點解個名要咁長？😂😂同埋羊鞍拼黑松露飯，同埋一啲跟餐，後加配左薯條🍟。
羽衣甘藍蜆肉炒意粉，黎到個賣相同圖片一樣咁吸引，食落仲好好味😋首先意粉軟硬適中，炒得乾濕度啱啱好，微微有汁，而且有雜菇令個汁更上一層好好味，蜆肉juice,最緊要無雪味，唯一好奇既係羽衣甘藍可能係用碎或粉，所以無左我地唔鐘意既果種味道。
蒜片欖油羽衣甘藍蜆肉炒意粉
$96
32 瀏覽
0 讚好
0 留言
羊鞍拼黑松露飯，我第一口就試左個飯先，同意粉一樣效果，師傅備料（淥粉煮飯）既基本功做得好好，而且黑松露混入飯汁度好香，到兩件羊架，色香味都齊，裡面肉紅但無血水好嫩，脂肪好香羊羶味，鐘意食羊既一定愛上，跟碟配菜都淥到好爽口。
羊鞍拼黑松露飯
$148
25 瀏覽
0 讚好
0 留言
另外後加黑松露醬薯條🍟，普通麥記幼薯條，分量唔少，重點係食個醬，對我黎講個醬係唔夠點薯條，可以叫伺應加。
仲有個蒜蓉包，外脆內軟。
羅宋湯正常水準。
第一次幫襯就食到好野，下次會再試下其他。
張貼
