影片
更多
2022-05-07
1094 瀏覽
旺角有好大個招牌掛咗喺舖頭門口。未入到門口首先要排隊。6:30去到，跟住排隊大概20分鐘左右，就有得入去食。舖頭為咗令等待嘅客人比較涼爽，所以就喺出面擺咗個風扇。舖頭入面環境比較擠迫，只有一條狹窄嘅走廊俾人行入去。排緊隊嗰陣時就會俾你喺餐單上面揀定你想食啲乜嘢先。我見到呢個綠茶可樂好似好特別，喺其他地方都冇，所以我就揀咗呢個。一入到門口佢就會擺定一支綠茶可樂俾你跟住呢個可樂仲要係好貼心同你開埋，隔離擺咗支飲管。呢個綠茶可樂飲落去有少少茶味，茶味唔算係好重。更加重嘅係可樂嗰陣味。主角就係上面嘅雪糕拉麵‼️辣嘅湯底，配上鹹香嘅花生醬雪糕，我竟然覺得都幾夾。碗入面嘅叉燒非常肥美，可以見到佢係脂肪比較多。食落去呢覺得口感有少少奇怪。食到落去脂肪係非常之嫩滑，但係如果冇咗脂肪嘅陪襯，淨係食瘦肉嘅話，又會覺得煮得唔夠冧。配菜係拉麵都有嘅芽菜，溏心蛋同埋好特別嘅雪糕仲有花生碎。食拉麵之前我咬咗幾啖花生醬雪糕，我覺得花生醬嘅嗰個味係好濃，跟住佢用嘅嗰個奶又係好綿滑，奶味來講就唔算濃郁。湯底偏鹹辣，雪糕溶落去湯底嘅嗰下，湯底嘅溫度冇因為雪糕而改變到。反而多咗少少奶，令到嗰個辣味有少少降低咗。但係其他嘅鹹味
旺角有好大個招牌掛咗喺舖頭門口。未入到門口首先要排隊。6:30去到，跟住排隊大概20分鐘左右，就有得入去食。舖頭為咗令等待嘅客人比較涼爽，所以就喺出面擺咗個風扇。舖頭入面環境比較擠迫，只有一條狹窄嘅走廊俾人行入去。
排緊隊嗰陣時就會俾你喺餐單上面揀定你想食啲乜嘢先。我見到呢個綠茶可樂好似好特別，喺其他地方都冇，所以我就揀咗呢個。一入到門口佢就會擺定一支綠茶可樂俾你跟住呢個可樂仲要係好貼心同你開埋，隔離擺咗支飲管。呢個綠茶可樂飲落去有少少茶味，茶味唔算係好重。更加重嘅係可樂嗰陣味。
主角就係上面嘅雪糕拉麵‼️辣嘅湯底，配上鹹香嘅花生醬雪糕，我竟然覺得都幾夾。碗入面嘅叉燒非常肥美，可以見到佢係脂肪比較多。食落去呢覺得口感有少少奇怪。食到落去脂肪係非常之嫩滑，但係如果冇咗脂肪嘅陪襯，淨係食瘦肉嘅話，又會覺得煮得唔夠冧。
配菜係拉麵都有嘅芽菜，溏心蛋同埋好特別嘅雪糕仲有花生碎。食拉麵之前我咬咗幾啖花生醬雪糕，我覺得花生醬嘅嗰個味係好濃，跟住佢用嘅嗰個奶又係好綿滑，奶味來講就唔算濃郁。湯底偏鹹辣，雪糕溶落去湯底嘅嗰下，湯底嘅溫度冇因為雪糕而改變到。反而多咗少少奶，令到嗰個辣味有少少降低咗。但係其他嘅鹹味反而更加突出。溏心蛋個方面都唔錯，我見到有啲拉麵店，係整到個溏心蛋熟，完全冇溏心呢兩個字。
食到最後已經要係咁飲綠茶可樂解辣。
最後我仲試咗一試朋友既海老沾麵。被辣湯浸咗個面跟住再去浸一浸海老沾麵食落去有種好奇怪感覺。不過呢碗海老沾麵個湯底偏油，好多細蝦浮左上去。我個朋友見到呢有碗湯底只係食咗一箸就冇食啦。
總體來講，成餐都幾獵奇。
張貼
