膳亭 (已結業)

有同事生日，老細請食飯，第一次來膳亭，感覺幾舒適，有中式音樂，好似坐喺涼亭度食飯咁。有5個人，所以叫咗8樣食物。有鵝片、小食拼盤、檸檬烏頭、椒鹽魚蛋、糖醋煎伊麵、雜菜煲、福果芋泥、一口反沙芋。鵝片好香好正，一定要試！檸檬烏頭亦不錯，淡淡檸檬味清新可口。椒鹽魚蛋香脆可口，味道亦調教得好，仲有幾塊脆片，非常適合喜歡食香口食物嘅朋友。糖醋麵煎2邊，加糖加醋係好味，但食一塊已經好夠，因為幾滯。雜菜煲冇乜特別，都係一般粉絲雜菜。福果芋泥好適合喜歡芋頭嘅朋友，香甜細滑，相反一口反沙芋比較熱氣，外面被糖包住，所以特別香脆，覺得太甜同埋乾咗d。總結，第一次食潮洲菜，試新野，幾特別。想再試其他菜色