膳亭 (已結業)

首先去到無乜人理，有個c9企係門口reception位但唔招待人，唔知企係度做乜，小菜相唔記得無影到相，但小菜水準不錯，唔會好油好咸咁，午市套餐小菜唔算大份但岩岩好，選擇唔算多，$88連加一個人套餐有湯，湯分別係例湯，胡椒豬肚湯，同双丸紫菜湯，同埋小菜，我地揀左gu lo肉同豆腐煲，加埋白飯或白粥仲有甜品，仲有二人套餐，四人，六人，我地加$10由綠豆沙轉到綠豆爽，正，仲有清心丸添。綠豆爽應該係即刻整，因為都等左十分鐘。

Ok, food is delicious, reasonable price and decent portion. They are doing a promotion for takeaway orders with 10% off and free rice and dessert.It is the service that is the issue. First they did not count the discount, we need to call them again to confirm. Order took an hour to arrive, and missing the rice and dessert, had to call again as it is hard to eat the food without rice, by the time they arrived we almost finished the food.It is lunch time I understand, they need to improve on their

大冬時節，竟然漏booking.毫無歉意，只叫你8點來過，我講得清清楚楚，留了電話，今時今日電子化，有來電顯示，點會咁易漏，根本嫌我人少，有人訂大枱，就刻意漏單，我有老人家，點可能在街等一個鐘，連叫你上去等都無，簡直可惡，唔想做我生意，早些講呀！這些做生意手法，絕不能接受

Quality food with great service and interior decor - staff was very helpful and service is first rate. Especially enjoyed the oyster omelette and desserts. Price is very reasonable and not expensive. Probably one of the best Chiu Chow restaurants in Hong Kong.

想食潮州嘢， 喺附近搵到一間小店，喺一個半新樓盤嘅一樓，感覺頗為隱蔽，初時還以為是私房菜....頭盤點了凍蟹，約$600 ，價錢還算合理....味道不錯，蟹肉結實新鮮，值得推介！點了雞絲粉皮，分量充足，味道不錯煎蠔餅，略嫌蠔仔的份量少了兩面黃，好味道！推介推介！

西環好滋味 新派潮州菜館 最新菜式 燕窩海皇湯 竹笙百花燕窩卷 脆皮牛肋條 酥炸百花雞 健康美味新選擇  燕窩海皇湯 味道清新,再加上一份燕窩！滋潤美顏！海皇湯放入了多種切碎食材，湯味不會太濃蓋過食材與燕窩既味道竹笙百花燕窩卷 燕窩本身味淡，加上清淡既食材，蝦肉與竹笙就係上佳既配搭食起來好鮮味　賣相又精緻　 脆皮牛肋條 先將牛肋煮過調味，再上漿炸脆，香脆既外皮加上濃味既牛肋肉鬆化甘香，口感豐富一脆一嫩，配酒一流既菜式酥炸百花雞　則以新鮮的蝦膠配上雞肉蓉，內裏彈牙，鮮味十足，外面鬆化，口感豐富！燕窩海皇羹鮮甜又養顏平日仲有HSBC卡9折

同屋企人做節食飯，就老人家唔去太遠地方，所以就搵附近餐廳食 ，家姐提議食呢間，反正兩老未試過，就同佢哋去食~呢間餐廳剛開時叫牡丹小館，當時我已經同朋友去試過晏晝，當然都係叫小菜食，印象中啲嘢食可以，價錢都唔係好貴，只係比普通潮州菜貴少少，話晒裝潢都咁靚，貴啲都嘗可接受~但今次去嘅時候就覺得啲嘢好似又貴咗，唔計其他菜式，單係臘味煲仔飯就不得了，當我哋以為$120係一個煲仔飯時，原來錯了，佢哋係以位計的，我哋4人用就收$240，原來$120係包兩位用，我哋4位用就要加上去，仲要係連個煲都未見過，佢哋裝好咗4碗飯上枱同埋用個碟上咗幾件臘味同幾條灼菜，咁就當係臘味煲仔飯😅真係中伏一次就算~仲有個臘味炒飯都係一樣，位上，裝好4碗放上枱，仲要係普通白飯嗰啲碗仔~試完呢次後，我諗我就算再幫襯都一定唔會再叫呢兩樣搵笨嘅飯😂同埋睇清楚價錢好啲🤔

在西營盤都有好地方，第一次到訪，環境優雅舒適，服務員態度和藹，食物不錯，今晚點了2人套餐，份量算多，味道不錯，可以寧靜地傾談一下，慢慢地品嚐，會介紹朋友下次再來！

座位寬敞舒適，餐廳佈置典雅耐看，食物總體不錯，價格也不算貴，適合家庭朋友聚餐。【香煎蠔仔烙】88上桌時熱氣騰騰，分量超大！蠔餅上下都煎得金黃，厚身夠香脆！蠔仔新鮮無腥味，雞蛋同麵粉的比例適中，不會太多面。【鹽燒小黃魚】72小黃魚燒得不錯！表面香脆，魚骨也可以吃掉，魚肉卻是軟嫩十足。平時在餐廳很少吃魚，怕腥，很多地方魚皮也不夠脆，這裡燒魚夠水準，推薦！。【一口反沙芋】58白色的芋頭盛在黑色的碟中端上，賣相精緻。和其他潮州菜館有點不一樣的是，反沙芋上面撒了芝麻，更多了一層香味。芋頭火候到位，外表蘇脆，裡面的芋頭也不會太乾。芋頭切成小方塊，一口一個，十分方便。砂糖炒得不算特別幼，不過甜度剛好，不會太甜膩，兩三個人share剛好。

這家鋪頭不在地面，要上樓，而且裝修精緻典雅，以為是高檔酒樓，進來一看是潮州菜馆，價錢都不算貴，菜品亦多，住附近可以常來。同朋友兩個人叫了一個葷菜一個素菜一份湯，味道都可圈可點。【海底椰川貝燉鱷魚肉湯】88/位秋冬季節天氣乾燥，點一份清潤滋補的湯試下。鱷魚肉有止咳化痰，健肺的功效；川貝清熱潤肺；海底椰可以清燥熱。湯品完全無腥味，鮮甜好飲。【金沙秋葵】秋葵是今年流行的保健品，能夠降血糖血脂，以前吃的秋葵都是涼拌，這次試試鹹蛋黃炒的，味道不錯，外脆里嫩，十分爽口。【梅糕醬烤骨】88酸酸甜甜的讓人很有胃口，排骨肥瘦適宜，香脆入味。

今晚大除夕， 一家齊上西環潮菜館膳亭晚飯，八點後尚人頭湧湧。但座位寬敞，明亮潔淨。點了鲍魚魚翅套餐。蟹肉翅足料，海参彈牙，尤其是鵝肝甘香，入口即溶!超水準之作。最可愛之處係街坊價錢、星級制作。本人第一次食評，献給了膳亭。

反轉傳統潮州菜館環境一般的作法，時尚的装修，精緻的餐具，令食客的用餐體驗更加舒適👍🏻這次是家庭聚餐，“人多勢眾”的優點就是可以什麼菜都試吓。豬大腸好入味，亦幾腍。反而鵝肉比較韌。馬友肉質鮮嫩清甜，比黄花魚更勝一籌。川椒牛肉並不辣，小朋友都接受到，加上酱香味，送飯一流。13個大人，加5個小朋友和1個B，埋單近2700元，都算合理。

晚飯時間同太太黎左呢度食晏，地點位於新樓盤嘅一樓，環境清靜，裝修雅潔。一坐低就俾一盤功夫茶俾你清下腸胃先，在下不懂茶，所以冇乜評價！😅😅點左條凍馬友魚，魚不太小，吃落充滿魚油香味，蘸麵豉醬汁同吃，配搭很好！滷水鵝片，有滷水香，但不夠入味，墊底的豆腐很嫩滑。芒果沙冰特飲，唔錯，估唔到潮州菜鋪可以飲到沙冰。😂😂🤣四季豆炒咸肉，腩肉比較咸，餸飯不錯，整體上都不俗。蠔仔肉碎粥，蠔仔唔會腥，方魚脆口，餸粥一流，粥底可以再綿一啲就好啦。總括黎講，呢個價錢可以喺一個不錯嘅環境享受一餐豐富嘅正宗潮州菜，真係抵呀！

與家人慶祝中秋，地點就在這間在西環開業不是太久，位於二樓，環境簇新的樓上潮州菜館----「膳亭」。 我們一行六人，五大一小， 正好享用這兒的「午市精選六人套餐」（$888）。「鹵水鵝肉、鵝腸拼盤」最先送上，這潮州鹵水拼盤的鵝肉雖然不多，只得不足十件，碟中多是鵝腸、鹵豬肉、鹵水豆腐等物，鹵水汁可是不錯的，味道尚佳。湯三選一，點來消暑佳品「海皇節瓜盅」。這湯水雖非我最愛的原個大冬瓜盅，但這位上湯品的節瓜甚為大個，扁長的節瓜內材料不少，湯味也挺自然，不太嚐到「師傅」的味道，而且也有不少節瓜肉可吃，我對這湯水都幾滿意。絕對是邪惡之物，可以輕易地讓人墮進邪惡深淵，鹹香誘人，肉質也爽口彈牙的「金沙脆蝦球」足有9隻之多，不過我對這邪惡之物始終有點懼怕，所以只是吃了一隻便點到即止。熱呼呼上桌的「香煎蠔仔烙」水準不俗，蠔仔多而飽滿，趁熱蘸以魚露吃，好味道。「半煎煮馬友魚」用了潮州人常用的手法烹調，水準過得去，但就不算出色。「普寧豆醬雞」（半隻）的雞幾大隻，份量頗多，雞皮嫩滑，但雞味平淡，豆醬味道則還好，吃時把雞件稍稍蘸上味道偏甜的豆醬汁，還算好吃。「北菇雲腿扒津膽」以濃鹹的雲南火腿伴以整棵甜味

係西環行過，見到呢間餐廳個門面好吸引，兩層落地大玻璃（膳亭係二樓，樓下係另一間食肆），吸引咗去望望個餐牌，又唔貴喎，就入黎試下餐廳新裝修，用白色、綠色色調，感覺和諧又坐得舒服一坐底會有功夫茶上枱，呢度個功夫茶唔算正宗，茶味唔係太濃潮州菜打冷有幾款菜式我特別鍾意：凍魚、魯水鵝、糊椒豬肚湯、春菜今次要咗個凍馬友，呢個凍魚應該醃製時間唔長，有點鹽既香味但肉質仲幾鮮嫩，加埋普寧豆醬食幾開胃，不過，如果比我㨂，我會寧願佢再醃長少少時間，等魚肉再實身少少，食起上黎會更有質感Anyway, 條魚係好食既，值80分以上仲要咗個碧綠川椒雞，川椒味真係無咩... 個雞炒得幾滑但唔夠香口，呢個菜一般啦兩個人晚餐，兩個菜加一碗白飯，$250，價錢算可以又比起去潮州打冷坐得舒服，條凍魚都算做得出色，總括黎講可推介