江浙滬 (京華大樓)

營業中

休息中

今日一班人行街街輕鬆一下，喺銅鑼灣搵食原本淨係諗到日韓餐，不過有朋友仔大叫一聲話想食上海嘢，於是搵到嚟呢間江浙滬！門口都feel到幾多大陸人食，應該係正宗口味先吸引到佢哋嘅。上海嘢，前菜點少得雞絲粉皮！麻醬幾香幾甜，粉皮亦好爽口，幾滿意嘅。而侍應哥哥就介紹咗個特色粢飯，平時食嘅都係肉鬆咸味，但呢度嘅粢飯係甜甜哋嘅！估計係糖絲花生粒粒嘅甜味嚟，清清哋配糯米、油炸鬼又幾得意！主菜酸菜魚係有驚喜嘅，辣味好醒胃魚肉又爽口，而且有水晶粉皮攝喺入面，一次過飽肚感同味覺都滿足晒！至於小籠包就夠晒熱辣辣，鍾意一口食晒嘅人真係要攤一陣先，唔係口都熟！入面個湯係好清甜嘅，好味！最後嚟一個上海菜絕不能少嘅豆沙窩餅作結，滿足！