影片
更多
2019-11-28
1008 瀏覽
之前一直冇食過自助式嘅石燒牛扒，因為定價唔平，得嚿扒自己燒，先唔講無任何烹調技巧可言，而且仲覺得唔會用上什麼靚肉俾你。但朋友話真係好想試😂，叫我陪佢食晏try try。難得星期五就出去旺角食，上網一search石燒牛就見到”🗿石石石牛牛牛🐮”呢個名，就俾佢吸引咗哈哈，餐廳位置其實都幾近太子始創嗰邊。店員姐姐喺門口落力宣傳，一入去原來就要點餐同比錢先，再搵位坐等取食物。餐廳基本上係全自助模式，老實講都幾方便。餐廳主要就係食牛扒，但lunch time都有提供石鍋飯，多個選擇。不過我哋一早都決定咗要牛扒🥩㗎喇，呢到主要分3種牛，分別係磊牛扒、牛肩肉同西冷牛扒，每隻都可揀200g、300g或400g，我對重量呢方面無乜概念😂。我哋要咗一份300g牛肩肉($110)同一份200g西冷牛扒($128)，西冷就算細嚿啲都貴過大嚿啲牛肩肉👀。而食完後我發現一分錢一分貨係無錯嘅，西冷係明顯好食啲，牛味濃郁！但牛肩肉都幾好，係有少少邊位韌咗啲。兩嚿肉都比我想像中好食，就算無點醬都唔會話無味，但當然有醬好食啲，點燒汁好正，送飯一流😋。300g牛肩肉非常厚身高身啊，好彩牛扒一出時廚已經將外層煎得熟啲，如果唔
之前一直冇食過自助式嘅石燒牛扒，因為定價唔平，得嚿扒自己燒，先唔講無任何烹調技巧可言，而且仲覺得唔會用上什麼靚肉俾你。但朋友話真係好想試😂，叫我陪佢食晏try try。
難得星期五就出去旺角食，上網一search石燒牛就見到”🗿石石石牛牛牛🐮”呢個名，就俾佢吸引咗哈哈，餐廳位置其實都幾近太子始創嗰邊。店員姐姐喺門口落力宣傳，一入去原來就要點餐同比錢先，再搵位坐等取食物。餐廳基本上係全自助模式，老實講都幾方便。
餐廳主要就係食牛扒，但lunch time都有提供石鍋飯，多個選擇。不過我哋一早都決定咗要牛扒🥩㗎喇，呢到主要分3種牛，分別係磊牛扒、牛肩肉同西冷牛扒，每隻都可揀200g、300g或400g，我對重量呢方面無乜概念😂。
我哋要咗一份300g牛肩肉($110)同一份200g西冷牛扒($128)，西冷就算細嚿啲都貴過大嚿啲牛肩肉👀。而食完後我發現一分錢一分貨係無錯嘅，西冷係明顯好食啲，牛味濃郁！但牛肩肉都幾好，係有少少邊位韌咗啲。兩嚿肉都比我想像中好食，就算無點醬都唔會話無味，但當然有醬好食啲，點燒汁好正，送飯一流😋。
300g牛肩肉非常厚身高身啊，好彩牛扒一出時廚已經將外層煎得熟啲，如果唔係，太厚自己燒，未必燒得熟。但都建議一開始切哂成塊扒先食，免得塊石凍咗😛。
西冷牛扒
$128
11 瀏覽
0 讚好
0 留言
200g西冷就真係切時已經覺得塊扒幾好，無牛肩肉咁厚，但其實呢個份量都已經好夠食。最開心係將牛扒切哂一粒粒後，最後先食嗰啲都無因為長期放喺嚿石上變到過熟同鞋口👍。
除咗牛扒外，沙律、前菜、湯、飯同飲品都係任飲任食，自己服侍自己就得😎，本住乜都試少少，因為覺得應該唔會太好食。但每樣嘢都比想像中出色，湯唔會太味精同有好多紫菜，而🍚飯就夠軟熟同用上珍珠米，最緊要係2樣都夠熱。醃蘿蔔同泡菜都幾好，沙律就無試。
呢到好好有埋飲品，濕下個口都好丫，有綠茶粉🍵同3款凍茶，味道就普通啦，偏淡唔甜，洛神花山渣茶會好啲，凍綠茶就唔太推介。
總括嚟講，呢次係我第一次食石燒牛嘅體驗，各方面都比我想像中好。🥩牛扒質素唔錯，對自助嘅食物亦都滿意。餐廳環境乾淨，自助區都無話四周係水係食物，另外仲有圍裙俾食客用。不過座位比較窄，如果對面都有坐客人呢，就未必放得哂啲碗呀杯呀嗰啲，但都可接受的，因為預咗嚟呢到係食嘢，唔係坐幾粒鐘嗰啲餐廳。價錢方面，西扒比較貴，另外2款就ok，畢竟嚿肉好大，有湯有飯。有機會都想再食下，同時亦令我無咁抗拒石燒牛！
張貼
