篤篤船麵 (荃灣千色匯) (已結業)

星期日6點幾都無乜人，之前睇過OpenRice既相都己經想試下，既然唔使排隊又可以坐得舒舒服服，就試下啦！篤篤船麵細細碗，13蚊可以試一款，55蚊試到五款，雖然細細碗，食完五碗都有7成飽，每碗都可以有唔同既combination，有多種配料選擇，有牛肉，牛腩，牛展，牛豬肉丸，豬腸等等，仲有6款麵，7款湯，兩個人去，叫左10碗，真係玩到出神入化，可以10碗都完成唔相同。生菜包，泰菜必食，如果唔食得辣，就要將啲紅辣椒分出黎，因為都幾辣，我個人覺得好好味。