新金源餐廳 (已結業)

第一次到新金源茶餐廳吃午飯，每次一到午飯時間經過門口都好想入去試下，但最後都行返去平時食開的飯堂，前幾天終於勇敢地嘗試，入到店內感覺光線不夠充足， 我覺得這一點是茶餐廳的大忌，光線不夠充足會畀人感覺不太衛生。 食物方面點了一個午餐～ 叉燒煎蛋飯$51和皇牌茶餐$36（ 轉油雞髀加$4），另外跟餐點了一杯凍咖啡$2和啡走。叉燒煎蛋飯～ 叉燒偏瘦，成碟飯主要是甜豉油將整個味道帶起， 煎蛋品質正常，賣相比較差。皇牌茶餐～ 熱狗加雞髀， 配菜有沙律， 熱狗味道普通，腸仔有煎過的， 油雞髀非常硬， 應該烹調時間過長。凍咖啡和啡走～ 反而飲品的味道幾好， 咖啡味香濃。返工時間食開幾間餐廳味道都可以，今次轉下試這間， 暫時都比較喜歡平時食開的， 有機會再來這裏試下其他。