瀛豐放題料理專門店

營業中

休息中

第五年幫襯大閘蟹放題，以前都同前任一齊嚟食，而家就要同朋友嚟食，雖然轉左新鋪地方大咗，但係啲枱都係好細，老實講，如果啲枱可以大張多少少，就算係二人位，我諗都會食得好開心，不過可惜啲枱真係好細，七點幾去食個場已經全部滿座，負責執枱嗰啲員工會拉住啲車仔周圍走去幫客人收返啲碟，呢一點有啲唔滿意，因為架車仔好幾次都拍喺我哋張枱隔離就非常之近，而其他員工就朝執枱將一啲污糟邋遢睇落非常之嘔心嘅碟同碗同埋人哋食剩嘅嘢一口氣車晒落個車仔度，老實講即刻食慾大減，亦都非常之嘈，當啲碟放晒落個車仔度入面產生好大嘅噪音。當晚都見到老闆落場幫手，亦見到應該係好多新員工，但缺乏服務嘅經驗，呢啲咁肉酸嘅嘢唔應該放喺客人隔離，非常之倒胃口，我亦都好驚啲汁會唔會彈落去我張枱嘅食物度。大閘蟹上面冇乜問題，每一盤都新鮮熱辣，食得出每一隻都新鮮，之但係調味架非常之牙位，如果可以收走個調味架或者向上發展空間，咁張枱就一定可以放到更加多食物。食到咁上下想去食甜品🍮雖然地方大咗都增加多幾款甜品，但啲甜品睇落都唔太吸引，雪糕我以前都好鍾意食某一款，可能來 貨較貴，所以而家冇再訂，非常可惜。飲品上冇乜點挑剔我都淨係飲茶。茶上面冇問題。