香港餐室 (已結業)

知道呢間餐廳以舊式香港餐室為主題，可能是近西港城的關係，裝修不錯，刻意型造的舊餐室風情，乾淨明亮。今晚是這餐室開張的第二天，一入去差不多滿座，由於一個人吃飯的關係，被安排坐一個兩人座位，很迫，坐得不大舒服，但見卡位都好似幾舒服。由於太餓的關係，叫了快餐吃，焗豬扒飯加熱奶茶，可能還是新開張，見他們落單有點亂，而我的快餐差不多等了半個鐘後才到，小妹提議他們將"快餐"改為"晚餐"(慢餐)，咁唔會比食客有期望佢係快ma 終於等到我的焗豬了，其實焗得不錯，先講豬扒，幾好食，但煮法好像不太舊，而汁刻意想扮舊式餐廳的味道，先講佢好的地方，呢個汁真的不太膩，帶點酸，但如果吃過美都和正街聯華的焗豬，個汁差好遠，有待改進，而飯我不覺得佢係好炒飯，扣分。而係我等待焗豬期間，看到侍應拿著一份煎雙蛋通粉，佢地真係煎得好靚，下次會到這裡吃早餐試試。總括而言，我覺得佢地係有心做好食物的，價位偏貴，但會再去試下其他舊香港的食物。