等等HEA

營業中

休息中

一個等等，一個和順記，兩個都係幾出名的品牌，偏偏兩個都未食過，前排睇雜誌見到佢哋兩個竟然有Crossover。九龍城等等Hea分店會有得食和順記炸脾同炸豬扒？和順記想食好耐，但係成日都唔會經過佢哋任何一間分店，今次一石二鳥最好，雖然只係下午茶，但食到兩間出品都幾好。我就係衝著和順記古早豬扒煉奶流心西多士而來，之前係九龍城樂園食過沙嗲牛肉西多士，今次食豬扒西多士，更邪惡。今晚當然要飲一杯冬瓜茶，咁熱嘅天氣一杯凍嘅冬瓜茶完全透心涼。豬扒嘅厚度好驚人，你食西多士驚唔健康，加咗好多菜底俾你。煉奶流心和豬扒係100分的夾，基本上好食到停唔到，麵包翼也炸得非常之鬆脆，最欣賞係嗰舊豬扒，和順記嘅出品，真係有返咁上下，唔怪得開咗咁多間分店。本來想食和順記古早台式館長肌肉雞脾陽春麵，但係始終太飽，留返下次先食，試一試佢嘅古早麵線加柯仔。試一試呢度嘅台灣Menu，加上阿宗麵線嘅辣醬，有台北街頭的感覺。簡單20分鐘就食完下午茶，因為九龍城好難泊車。下次有時間擇日再重賽。