鮨廷 (已結業)

今日去開尖沙咀見客，搞到午餐都無時間食，做完嘢响附近搵食，呢間壽司店2:30仲有人等緊位，我又試吓先。店仔細細，裡面大約10個吧枱位，可以見到師傅切魚生整壽司。叫左幾款喜愛嘅壽司，首先係帆立貝壽司，帆立貝爽口清甜，配埋赤醋飯好味火炙過嘅帆立貝又係另一種風味，微微焦香加上鮮爽口感，正。油甘魚油潤帶爽，真不錯。赤貝爽口鮮美，感覺滿足海膽份量多，鮮美豐腴，百吃不厭呀蔥吞拿魚腩肥美軟滑，配埋脆脆紫菜真係絕配。大拖羅肥美潤滑，入口魚味豐盈。焦糖玉子好特別，火炙過嘅玉子面頭有脆焦糖，食落又唔錯喎。店內有玄米茶同麥茶俾客人選擇坐位仲有USB叉電位，好貼心。