韓樂 (美林商場)

營業中

休息中

我係閒日早餐時段都未完嘅時候去嘅，當時入座率都未夠一半，所以我諗住石鍋飯應該預15分鐘整應該ok。點知等咗20分鐘都未到，但又見遲我10分鐘入場嘅人，同我嗌同一樣餐，竟然送咗比佢先。咁我就叫侍應幫手跟一跟，睇下有冇漏單。之後又等多咗10幾分鐘，中間又見到幾個遲過我入但一樣餐嘅人，竟然有飯先。我就舉手諗住叫侍應幫手再跟下。舉咗10分鐘都冇人應，我就直頭行出去，叫佢跟，點知佢話而家先開始整，勁嬲。漏單唔緊要，但我叫你跟過，你都冇跟到，繼續漏？仲要整咗好多個一模一樣嘅飯，送去遲我10-20分鐘入座嘅人度，但又唔比等咗超過半個鐘嘅我？以後唔會再食。