麻辣娘子 (形薈) (已結業)

今日嚟咗筲箕灣覓食，見到形薈呢間川菜館，裝潢別具特色，混搭傳統同現代嘅元素，別樹一幟，於是入咗去食dinner 😆娘子最愛酸菜魚 ($248)- 酸菜魚份量超多，啱晒幾個人share；魚肉相對少骨，食落幾方方便啲，魚肉嫩滑雪白，小辣唔算好辣，但都突顯到魚肉嘅鮮味，而且酸菜都惹味，令成道菜風味十足- 配料都份外豐富，有動L動L嘅寬粉、爽口嘅芽菜，口感層次一流🥰霸王辣子雞 ($118)- 辣子雞香辣惹火，辣椒🌶️佈滿成個碟，辣度BB辣都唔錯，好香口- 雞炸到好香脆，外脆內嫩，每啖都好享受😎紅糖糍粑 ($48)- 紅糖糍粑外酥內軟，紅糖撒咗係糍粑上面，望到流晒口水，而且甜度得宜，配埋紅糖醬，每啖都好滋味😊芝士奶蓋炭燒烏龍茶 ($36)- 烏龍茶香醇，炭燒味道幾有特色，而且叫咗25%糖度啱啱好，同埋好鍾意鹹香濃郁嘅芝士奶蓋😍整體來講食物質素幾好，而且最值得讚係上菜速度都幾快😎