影片
更多
2022-11-11
117 瀏覽
星期六去咗港島東睇樓，尾站喺筲箕灣，就順便提早食個晚飯。今次食嘢嘅地方唔係東大街，而係新樓形薈嗰邊嘅「Dirty Skillet」，估唔到呢區都有打卡餐廳📸。餐廳嘅主題應該係遊樂園，中間位置嘅座位係模仿旋轉木馬🎠。呢度整體環境幾靚，而且感覺令人開心，小朋友一定鍾意。火焰芝士配蒜蓉意大利包($98)，睇餐牌見到呢個小食On Fire喎🔥，鍾意食芝士嘅我毫不猶豫地嗌咗。著住實驗室袍嘅店員叫我哋準備好相機，然後就落少少酒喺芝士上面再點火。🧀熱熔芝士配上蒜蓉包一齊食，好邪惡。西班牙海鮮焗飯($298)，🇪🇸西班牙大鑊飯Paella好吸引，以鐵鍋上，保持正宗風味，呢個份量二人食啱啱好！海鮮同餸嘅種類有好多，包括大蝦、青口、帆立貝、鮮魷魚、蜆、雞肉同西班牙腸等。啲蝦堅係大隻，而且最重要係新鮮。🍚焗飯夠晒入味，帶點蕃茄香，兼且吸收咗海鮮嘅精華。梳乎厘奄列($115)，甜品製作需時，不過等待係值得㗎🥞。梳乎厘視覺效果澎湃，勁大個，質感超鬆軟Fluffy，空氣感十足，所以食落唔會太飽滯。同時，佢蛋香濃郁🥚，甜度適中。飲品方面，基本上全部款式都好適合打卡😍，我哋要咗Mango Yoghurt Soda($
星期六去咗港島東睇樓，尾站喺筲箕灣，就順便提早食個晚飯。今次食嘢嘅地方唔係東大街，而係新樓形薈嗰邊嘅「Dirty Skillet」，估唔到呢區都有打卡餐廳📸。
餐廳嘅主題應該係遊樂園，中間位置嘅座位係模仿旋轉木馬🎠。呢度整體環境幾靚，而且感覺令人開心，小朋友一定鍾意。
火焰芝士配蒜蓉意大利包($98)，睇餐牌見到呢個小食On Fire喎🔥，鍾意食芝士嘅我毫不猶豫地嗌咗。著住實驗室袍嘅店員叫我哋準備好相機，然後就落少少酒喺芝士上面再點火。🧀熱熔芝士配上蒜蓉包一齊食，好邪惡。
西班牙海鮮焗飯($298)，🇪🇸西班牙大鑊飯Paella好吸引，以鐵鍋上，保持正宗風味，呢個份量二人食啱啱好！海鮮同餸嘅種類有好多，包括大蝦、青口、帆立貝、鮮魷魚、蜆、雞肉同西班牙腸等。啲蝦堅係大隻，而且最重要係新鮮。🍚焗飯夠晒入味，帶點蕃茄香，兼且吸收咗海鮮嘅精華。
梳乎厘奄列
$115
9 瀏覽
0 讚好
0 留言
飲品方面，基本上全部款式都好適合打卡😍，我哋要咗Mango Yoghurt Soda($48)同Pineapple Hat($48)。芒果乳酪梳打嘅芒果一啲都唔酸，配上梳打令果肉冇咁澀🥭；菠蘿汁味道清新，似鮮榨製成，面頭放咗一大件菠蘿，並以焦糖燒香🍍。
總括嚟講，筲箕灣竟然有間樂園主題餐廳🥳🎡，以西餐菜式為主，食物擺盤精美，定價就屬中上水平啦。我相信喺區內冇乜同類型餐廳，難怪都有唔少街坊幫襯。
張貼
