影片
更多
2021-03-05
316 瀏覽
雖然有返晚市堂食，但食多咗外賣都覺得有佢嘅好處。就好似星期日晚咁，買外賣我哋先趕得切睇英超開波⚽️。朋友嗌慣嗌熟，撥個輪去「栢檔極品海南雞飯」落定單，15分鐘去到準時有得拎。我之前食過其他分店，堅尼地城店就只係喺門口經過。未睇舖名，仲以為係Cafe嚟，因為裝修幾靚，用上花花作點綴🌸，而且燈光明亮，環境舒服，乾淨衛生。如果有時間，我一定坐低堂食。食物選擇其實都幾多，唔係淨係得海南雞。餐廳有提供一人或二人套餐，係抵嘅。但我哋又完全無興趣食油菜🥦🙈，加上想食多幾款嘢食，所以散叫更啱我哋胃口。好彩我哋早著先機，因為接連聽到唔同餐目賣哂，遲多步可能就無得食。店內員工有禮，服務態度優秀，同時外賣包裝得好好🥡，完全無跌漏嘅風險。我想對下食物喺咪齊哂，廢事半場要落過嚟，佢見狀立即主動協助，好人到一個點，搞到我有啲唔好意思😛。佢哋包外賣果然有一手，既快捷又穩陣。極品海南雞喇沙($60)，海南雞就食得多，但配喇沙就無咁常見，而且更加可以一次過食到兩款滋味✌🏻。餐廳會主動將喇沙湯同麵餸分開上，咁就唔使驚外賣食湯麵會淋。海南雞不愧為呢度嘅招牌菜🐔，去骨後依然厚肉，唔係得返層皮，再者份量本身都多。即使係啖啖肉嘅雞
雖然有返晚市堂食，但食多咗外賣都覺得有佢嘅好處。就好似星期日晚咁，買外賣我哋先趕得切睇英超開波⚽️。朋友嗌慣嗌熟，撥個輪去「栢檔極品海南雞飯」落定單，15分鐘去到準時有得拎。
我之前食過其他分店，堅尼地城店就只係喺門口經過。未睇舖名，仲以為係Cafe嚟，因為裝修幾靚，用上花花作點綴🌸，而且燈光明亮，環境舒服，乾淨衛生。如果有時間，我一定坐低堂食。
食物選擇其實都幾多，唔係淨係得海南雞。餐廳有提供一人或二人套餐，係抵嘅。但我哋又完全無興趣食油菜🥦🙈，加上想食多幾款嘢食，所以散叫更啱我哋胃口。好彩我哋早著先機，因為接連聽到唔同餐目賣哂，遲多步可能就無得食。
店內員工有禮，服務態度優秀，同時外賣包裝得好好🥡，完全無跌漏嘅風險。我想對下食物喺咪齊哂，廢事半場要落過嚟，佢見狀立即主動協助，好人到一個點，搞到我有啲唔好意思😛。佢哋包外賣果然有一手，既快捷又穩陣。
極品海南雞喇沙
$60
9 瀏覽
0 讚好
0 留言
海南雞不愧為呢度嘅招牌菜🐔，去骨後依然厚肉，唔係得返層皮，再者份量本身都多。即使係啖啖肉嘅雞胸位置，肉質都好嫩滑。作為正宗海南雞，呢度有配埋黑醬油、酸辣汁同蔥蓉。
麵底用上摻摻🍜，即係米粉加油麵，另外仲有芽菜同豆卜，全部我都啱食。喇沙湯底意外地唔錯，🥥椰香味濃，辣度偏弱，小朋友都食到。
肉骨茶
$60
0 瀏覽
0 讚好
0 留言
秘方滷燒豬頸肉飯
$60
1 瀏覽
0 讚好
0 留言
栢檔皇牌無味精靚湯(優惠價$8)，老火湯用上🌽粟米、南瓜、🥕紅蘿蔔同豬骨熬煮，無味精，所以口味偏清淡，但飲完絕不口乾。佢亦比平日稠身，可能因為加咗南瓜🎃。
總括嚟講，栢檔極品海南雞確係開餐好拍檔，美味、簡單、快捷、方便！我覺得每樣出品嘅味道都唔錯😋，值得一食啊。
張貼
