居食屋「和民」 (置富都會)

營業中

休息中

置富食飯其實都冇咩選擇，咁岩行過和民，就入去食個午餐。環境乾淨，服務都ok。餐牌嘅食物選擇好多，睇落好吸引，定食又幾抵。叫左個滑蛋豬柳鍋定食，都係一般定食有埋嘅湯、沙律。滑蛋唔算係好滑，少硬身。豬係有炸過，幾脆，而且吸曬啲汁，應該係洋蔥汁，好入味。豬肉食落都新鮮，唔會有冰鮮味👍🏻但係，真的十分咸，一定要送飯食。最後飯食曬，淨返兩塊豬都食唔落了，真係太咸。薑蜜不錯，但如果唔中意薑嘅人，或者小朋友，可能會覺得辣喉嚨唔舒服。