喜悅軒酒家 (已結業)

中國人做冬日子，總會選擇中菜，當然好一點的中菜店早已爆滿，訂座也沒機會，有機會訂座，卻要落訂，還要限時交枱，這就是大時大節吃中菜的特色，不是吃放題，也要限時。 雖然這店食物質素合格，但今次卻令人失望。入座後早已向侍應說可起菜，等了15分鐘還未上菜也覺奇怪，又有侍應再問我們可起菜未?! 如是者被問三次，前後答了3次同一答案，究竟侍應們和廚房有否溝通？眼見全場滿座，卻不是枱枱有餸，在大時大節的日子，上菜速度應比平日快，點解今日會咁？ 又要限時還枱，又要唔起菜，究竟想點？終於上第一道菜。乳豬全体，皮脆、肉香。終於等到第二道菜，這道菜與前道菜的上菜時間又相距20分鐘，究竟廚房發生咩事？雖然帶子全是急凍貨，但尚算合格。炸蝦球，賣相、口感同樣差，一口油，又唔脆！瑤柱和蠔士都大大粒，可惜未炆淋，有點硬。鮑魚、冬茹雖然炆得淋，可惜不入味，只好靠放在餸面的蠔油汁伴吃。蒸海斑，竟然連熟油也沒用，會不會求期了一點呢？炸子雞，皮脆肉也嫩。糯米飯真的是糯米飯，臘味細細粒之餘，份量真係小之有小。干燒伊麵等同茶餐廳的貨式。像粉絲的湯一碗連紅豆沙糖水也要淡到像水。