影片
更多
2014-05-05
599 瀏覽
雖然，你見依間金裝燉奶佬劣評多過好評，而主要評價都只喺OK，但早晚返放工經過，都仲喺好多人幫襯，所以，睇個評價都好難反映現實。不過，小弟都晌度食過唔少餐，老婆話佢早餐唔喺好得，下午茶試過亦都麻麻，反而晚餐較為好啲。所以，依一晚有點事，無時間去買餸煮飯，兩公婆就搵「燉奶佬」搵掂 。燉奶佬嘅晚餐確有好多選擇，部份亦都有點特色。紅咖喱大蝦海鮮鍋飯餐，賣$51，配健康油菜及精選靚湯，又加送是日滋潤甜品，睇落好豐富，大膽一試。 羅宋湯（跟餐）所謂精選靚湯，只不過喺中湯或西湯，要咗碗羅宋湯，因為之前飲過好幾次，記得都唔喺差，屬穩陣之選。酸酸辣辣，醒胃過人，味道濃郁，算佢無欺場架嘞 。 健康油菜（跟餐）蠔油就唔見有，不過，菜芯上加咗啲肉燥，有啲古靈精怪嘅感覺，菜芯亦稍為老咗啲 。 紅咖喱大蝦海鮮鍋飯 $51 以細砂鍋盛載，上枱時滾熱辣，而且飯量十足。海鮮料唔少，有魷魚、帶子粒……但大蝦唔太多，不過，勝在紅咖喱夠惹味，飯底炒得夠「勻巡」。 椰汁西米露（跟餐）是日滋潤甜品想轉燉奶喺唔得，只好乖乖要碗椰汁西米露，一如以往，勁多西米，椰奶味重。老婆較鍾意食湯粉麵，所以，瞄準馬來西亞喇沙系列，
燉奶佬嘅晚餐確有好多選擇，部份亦都有點特色。紅咖喱大蝦海鮮鍋飯餐，賣$51，配健康油菜及精選靚湯，又加送是日滋潤甜品，睇落好豐富，大膽一試。
羅宋湯（跟餐）所謂精選靚湯，只不過喺中湯或西湯，要咗碗羅宋湯，因為之前飲過好幾次，記得都唔喺差，屬穩陣之選。酸酸辣辣，醒胃過人，味道濃郁，算佢無欺場架嘞 。
健康油菜（跟餐）蠔油就唔見有，不過，菜芯上加咗啲肉燥，有啲古靈精怪嘅感覺，菜芯亦稍為老咗啲 。
紅咖喱大蝦海鮮鍋飯 $51 以細砂鍋盛載，上枱時滾熱辣，而且飯量十足。海鮮料唔少，有魷魚、帶子粒……但大蝦唔太多，不過，勝在紅咖喱夠惹味，飯底炒得夠「勻巡」。
椰汁西米露（跟餐）是日滋潤甜品想轉燉奶喺唔得，只好乖乖要碗椰汁西米露，一如以往，勁多西米，椰奶味重。
老婆較鍾意食湯粉麵，所以，瞄準馬來西亞喇沙系列，4款喇沙分別在於配搭雞牛豬定海鮮，揀米粉、米線、河粉都得。
喇沙豬扒湯河 $39睇落個湯好似幾濃，不過，只可以講喺都仲可以，因為唔夠香，又欠咗少少辣 。但河粉滑溜，豬扒大件又炸得香脆。湯河中有隻大蝦，請勿誤會，唔喺店方好人送嘅，而喺嚟自小弟個紅咖喱大蝦海鮮鍋飯。
簡單一餐，為嘅就只喺慳番啲時間 ！
張貼
