一風堂 (德福廣場) (已結業)

星期日想係德福搵野食似乎都要等好耐，見一風堂得幾個人等位，唔想等位所以食呢間，反正啱啱返完鄉下好掛住鄉下嘅拉麵呢！😋打開menu見到炙燒豚肉半熟玉子丼真係忍唔住，一定要食🤤。記得係日本食過豚肉飯超好味，豚肉爽口，醬汁甜甜地，配埋彈牙嘅珍珠米，真係好好送飯，呢碗再加埋糖心蛋係我至愛，唔食點得吖，可惜碗飯好細碗咋，不過少食多滋味黎一風堂拉麵又點少得，要左碗赤丸拉麵。辛口餃子 ，煎得幾脆，皮唔算薄，不過都好味。豚骨湯波菜 - 好驚喜，用石鍋上仲熱辣辣，豬骨湯好濃好好飲，波菜好入味，份量唔算少，$28好抵食。