鮨金和食料理 (已結業)

禮拜日去咗銅鑼灣上樓食日本菜，今日呢間餐廳食物幾紮實不花巧，用料新鮮。前菜三小碟有鱲魚真子，尤魚大根及鴨胸，開吓胃几唔錯。蟹肉蒸蛋，蒸蛋上面加咗蟹肉及三文魚子，所以入口口感豐富，魚子卜卜脆，多種鮮味。壽司有後厚切墨魚，坊間比較少見厚墨魚，差唔多成2cm厚，所以絕對考師傅功夫，口感軟糯啱啱好，慢慢咀嚼會滲出甜味。銀鱈魚腩邊，入口非常爽口，比一般的更脆身，食落油份慢慢滲出。火灸喜之次，油份重，肉味又幾突出。油甘魚中間有少少芝麻，芝麻香又係慢慢滲出，唔會過分喧賓奪主。牡丹蝦，師傅會用火槍係你面前炒香蝦頭的蝦膏，之後鋪喺牡丹蝦上面，所以入口蝦味會更加突出，有蝦膏嘅甘香，之後再食到牡丹蝦嘅甜味。鹽水海膽壽司，唔會有化學味，味道回甘，餘韻悠長。之後上嘅煎蛋似布甸口感，除咗蛋香帶點甜味。最後魚湯用上鮮魚熬出，味道香濃，而且熱辣辣，作為最後一道菜就啱啱好！餐廳大部份嘅壽司師傅會加海鹽或岩鹽，唔會太花巧，入口味道簡單直接，鮮味突出，口感清爽。