Woke (裝修中)

同男朋友拍咗拖一段時間之後都好少出去搵好嘢食，大家多數都係求求其其食啲平民野，不過今次係佢生日所以我就精心搜尋左好耐有咩餐廳同佢慶祝。最後就揀咗呢間喺中環嘅西式餐廳WOKE，呢度嘅環境好靚，而且光線好充足，又有簡約時尚嘅設計。Pan Fried Grouper Fillet 魚肉肉質Q彈，而且味道鮮美。香煎至外皮香脆，平時好怕有啲魚煎完成口油，但呢個煎到金黃色咁香又一啲都唔太油，呢個係我愛上呢道菜嘅原因。Pan seared pepper tuna 金槍魚切成長方條形，仲要每一面沾滿黑胡椒，真係好香☺️入口肉味香而不腥，估唔到唔太鍾意食魚嘅我都喜歡上。