Co-Dining Space (已結業)

朋友又搵到好嘢食喇~佢話之前食過覺得幾好食~所以今次又帶我嚟食~位於尖沙咀樓尚坊11樓~環境好簡潔~食物選擇其實唔多~我哋兩個人,揀咗一個前菜~再一人一個主菜~前菜揀咗黑松露薯蓉美國有機大啡菇~好大既兩隻菇~面層放上芝士再用火炙過~薯蓉我好小食~因為怕肥但呢個薯蓉充滿黑松露味就一定要食~黑松露放入薯蓉度又幾夾幾好食喎~一次過將芝士薯蓉同大菇放入口~多重口感~不錯不錯~原本我諗住叫佢個燒美國安格斯西冷扒~好可惜當晚無晒所以我最後揀咗明太子蟹意大利粉~味道唔錯喎~好多蟹肉,又唔會太搶咗個味道~個汁好creamy~食到滿滿明太子味道~味道配合得啱啱好~朋友就揀咗招牌黑松露箘麵包蟹蓋意大利飯~呢個真係不得了了~原個蟹蓋上~面頭勁多黑松露,內裏既意大利飯充滿蟹味~黑松露同蟹配搭得非常好味~不過原來都幾滯吓~所以我哋都叫唔到甜品喇~我哋一路食一路傾計,唔限用餐時間~係朋友食飯傾計好地方~食物質素同味道碓係有水準~朋友都係無介紹錯~