荳子 (新城市中央廣場)

營業中

休息中

成日同朋友嚟行IKEA，行行下見餓見到有間Beans, 就入黎食個晚餐再血拼。晚餐嗌主食送嘢飲有熱檸蜜凍檸蜜同埋黑糖薑茶，其他嘢飲可以正價減$8，選擇都唔少。我哋嗌咗一個開心果pizza同埋黃金蟹肉意粉。開心果pizza有厚厚cheese同埋開心果碎，另外有碟蜜糖另上，配搭非常香甜。開心果碎略嫌稀疏，杏仁味唔夠出眾。如果可以多啲口感會豐富啲。Pizza底鬆脆，唔會太難切開。黃金蟹肉意粉有驚喜，佢用忌廉同埋鹹蛋黃做醬，個醬完美地掛起啲意粉上面，入口完全食到鹹蛋黃嘅香味。加上拆咗肉嘅蟹肉，既鮮甜又鹹香。不過個蟹蓋真係一個蟹蓋，好乾淨。我哋都嗌咗少甜，食完個芝士開心果pizza，少甜嘅熱檸蜜可以解油膩。服務方面店員唔係好出聲，有時行過加水或者擺低食物，會唔知佢喺隔離😂但係都好貼心，杯水少咗會即刻加水。如果可以提醒一句放低食物會更好。