Potluck Eatery

簡約舒適之《Potluck Eatery》上年生日朋友同過我黎呢間餐廳，今年再接再厲多過次，餐廳風板簡約，裝修以木系為主，燈光暗暗地，幾有氣氛，餐廳環境用左木系設計，台與台之間有距離，私隱度十足，是日餐湯 + 麵包：餐湯係忌廉薯仔湯，薯仔打蓉，入口口感幼滑，好香洋蔥同薯仔味道，配上蒜蓉包，感覺不錯。脆炸魷魚：魷魚一條條好長，外酥內嫩，口感非常好，墨魚汁稀杰度調中，配上炸魷魚入口，十分有風味。手搖秘制醬汁海鮮拼盤 (Set for 2)：餐廳用既係波士頓龍蝦，份量都幾大隻，肉質爽彈，蝦龍頭好多蝦膏，其他海鮮仲有蜆、青口、大蝦、八爪魚，全部都好鮮味，而秘制蕃茄醬汁令海鮮拼盤味道層次更提升，配菜粟米有薯仔，海鮮set跟2杯白酒。煙三文魚意大利黑醋沙律：沙律菜新鮮翠綠，口感豐富，煙三文魚少少煙燻味配上沙律菜的，味道清新，而沙律黑醋酸酸甜甜，令人開胃。總結環境好舒服，可以同朋友慢慢傾計。