Plato Cafe & Bistro (裕民坊YM²)

呢間餐廳行我最鍾意嘅簡潔風😆唔會有太多花俏嘅裝飾，簡簡單單又闊落，整體感覺令人舒適。食物選擇方面都有好多唔同種類嘅選擇，由burger、all day breakfast、意粉到豬手都有。我地嗌咗一個龍蝦全日早餐同卡邦尼煙肉意大利粉。個龍蝦都幾多肉同埋蝦膏，塊薯餅煎得好香脆，個炒蛋同黑椒腸都唔錯，最令我驚訝嘅係呢個組合配搭埋waffle黎食一啲都唔違和，仲好好味添！個卡邦尼意粉都唔錯，份量夠多，意粉嘅諗度都啱啱好。係嘢飲方面，我地叫咗一杯芒果沙冰同埋冰果茶，飲得出兩款飲品都用真材實料嘅水果去整，而且冇落太多糖，所以飲落好fresh，甜度控制得非常好！