二兄車麵館

營業中

休息中

我今日黎大圍揾食，當自己都唔知想食乜嘢時，發現二兄車麵館，唔經唔覺已經好耐冇食車仔麵啦⋯⋯好喜歡揀個麵底先，再選擇幾款餸，簡單得黎又好味。原來呢度重有籠仔蒸飯啊！既然我哋兩個人，咁就車仔麵同籠仔蒸飯都叫晒黎食。我車仔麵要粗麵，揀三款餸，要咖哩豬皮咖哩魚蛋咖哩魷魚。再加一碟咖哩蘿蔔魚蛋，一碟咖哩豬皮魚蛋。而咖哩豬皮好夠淋同入味，咖哩魷魚爽口，蘿蔔夠甜，咖哩魚蛋彈牙，佢哋重有自家製辣椒油，加入埋車仔麵更有風味呀！籠仔荷葉蒸籠躉片飯蒸籠打開就好香，入面有炸蒜、雲耳、蟲草花、眼前龍躉片都算大片，入口魚肉滑溜，荷葉飯吸收魚汁，飯粒帶魚香且乾爽，襯佢熱辣辣連同雲耳、蟲草花一齊食真係好味。