雲家小鍋米線 (安寧大廈)

營業中

休息中

雲家小鍋米線聞名荃灣多年，之後係元朗開左分店，位於靜中帶旺的馬田路，米線愛好者🐻👩🏻一直話想食，今日終於捉埋🐻👨🏽走去食。店鋪小小坐位唔多，幸好剛剛有人食飽走人，唔使等位。坐低望下餐牌，除左主打小鍋米線，仲有好多款小食，🐻👨🏽今晚唔知乜事胃口好好，點左麻辣小鍋米線加豬大腸同金錢肚，仲叫左招牌既涼拌墨魚頭同秘製豬頸肉，同埋麻辣魚皮外加醬拌皮蛋，🐻👩🏻我就叫左個酸辣米線。小食最先來到，醬拌皮蛋好特別用左黃金皮蛋，食落比一般皮蛋清爽，麻辣魚皮口感Q彈爽口，小小辣好易入口。涼拌墨魚頭不愧為招牌之一，墨魚一咬就開，味道濃郁惹味，而豬頸肉煎得外脆內爽，睇樣都覺得好食。🐻👨🏽個麻辣小鍋米線湯底辣中帶點甜，麻度係一種享受既程度，豬腸同金錢肚鹵得好入味，口感一流，而且份量十足，好似食極都食唔完咁。🐻👩🏻既酸辣湯底酸辣完全調和，好有層次感，真係食過返尋味。成餐飯外賣不絕，相當受歡迎，不愧係荃灣屹立多年，又可以係元朗開創新天地。