影片
更多
2021-08-17
590 瀏覽
萬眾期待被各美食專欄評為全港Number 1米線究竟系咪真係咁好食？🤔米線狂迷Sa妹一早按捺不住去一探虛實！🤤鋪頭不太近地鐵站，行去要歷經幾條斜坡，大熱天時都咪話唔辛苦！Sa妹大概6點幾到，門口不算太多人等位，所以唔使幾耐就入左去坐低。但其鋪面同設備比較老舊，冷氣D風唔太夠力，坐左一陣個人都仲系慶恰恰。🍜【自選】雞絲、螺旋藻、豬軟骨小鍋米線佢嘅名物雞絲系人人必叫，雖然雞絲的確十分幼細，分量亦較多；但係....雞絲完全無任何調味，口感亦十分乾，完全稱不上系“皇牌”。螺旋藻系坊間米線店少有嘅選擇，幾新奇，口感和味道則不過不失。而Sa妹嘅朋友都知道我極度鐘意食豬軟骨，每逢有得叫豬軟骨嘅米線店，都係必點嘅一味。尼間嘅豬軟骨非常入味，又燜得軟熟，有驚喜。湯底偏淡不夠濃味。🍜【自選】腩肉、雞絲、蘿蔔小鍋米線到第二樣名物就係腩肉，一開始店家上漏左，所以米線入面無影到佢嘅身影。腩肉總算無名過其實，醬汁腌到入味，而且頗辣，岩曬Sa妹口味。蘿蔔不算鮮甜，一般般。總括而言，覺得佢被人吹捧得太勁。Sa妹應該不會專登再黎Encore，原來期望越大失望真係會越大🥲
鋪頭不太近地鐵站，行去要歷經幾條斜坡，大熱天時都咪話唔辛苦！Sa妹大概6點幾到，門口不算太多人等位，所以唔使幾耐就入左去坐低。但其鋪面同設備比較老舊，冷氣D風唔太夠力，坐左一陣個人都仲系慶恰恰。
🍜【自選】雞絲、螺旋藻、豬軟骨小鍋米線
佢嘅名物雞絲系人人必叫，雖然雞絲的確十分幼細，分量亦較多；但係....雞絲完全無任何調味，口感亦十分乾，完全稱不上系“皇牌”。螺旋藻系坊間米線店少有嘅選擇，幾新奇，口感和味道則不過不失。而Sa妹嘅朋友都知道我極度鐘意食豬軟骨，每逢有得叫豬軟骨嘅米線店，都係必點嘅一味。尼間嘅豬軟骨非常入味，又燜得軟熟，有驚喜。湯底偏淡不夠濃味。
🍜【自選】腩肉、雞絲、蘿蔔小鍋米線
到第二樣名物就係腩肉，一開始店家上漏左，所以米線入面無影到佢嘅身影。腩肉總算無名過其實，醬汁腌到入味，而且頗辣，岩曬Sa妹口味。蘿蔔不算鮮甜，一般般。
總括而言，覺得佢被人吹捧得太勁。Sa妹應該不會專登再黎Encore，原來期望越大失望真係會越大🥲
17 瀏覽
0 讚好
0 留言
張貼
