唯一雲貴川風味 (已結業)

紅磡通左地鐵之後真係多左勁多人，自然亦都多左好多唔同的食肆。日本野啦丶韓國野啦丶BURGER等等。不過，我依然好享受係舊鋪食飯，例如呢間米線，就係讀書年代開始食到而家。我就點左麻辣腩肉丶辣豬耳同埋米線少辣。麻煩腩肉的部位比較爽身，而且唔會好似TAM仔咁7丶8成都係肥肉位，味道比較肉味重，而且麻辣的味道好強！肉的味道好香，煮得夠哂入味，正！豬耳唔算好脆身，但係煮得又係勁入味，口感唔錯，而且辣味十足。港式奶茶永遠係我最愛之一，甜味同茶味都好適中，而且唔會勁多冰搵你笨咁！佢地主打既有炭燒咖啡，但係因為夜晚所以今次冇飲，大家可以一試！