唯一雲貴川風味 (已結業)

以前讀大學成日黎食，而定間唔中放假都會突登黎食。今日叫左個辣腩肉，鮮雞肉，通菜米線🍜清湯底。其實基本上呢個係小辣，因為辣腩肉既汁都會令到個湯變左小辣。通菜亦都好新鮮，雞肉就一般，仲有小小雪味。4送米線收$46 蚊，係比以前大學貴但都係可接受範圍啦。

荃灣分店做到出曬名，但荃灣太遠啦！唯有係紅磡食啦！lunch時間黎到，成間店坐滿曬人，個場都幾旺下。食唔到好辣既我地叫左清湯米線配麻辣腩肉同麻辣豬肚首先，講下個湯底先。話就話係清湯，但佢係湯都好油下，好多油浮係面頭，係我食過最油既清湯哩到要扣咁啲分，下次我可能會叫熱拌米線，唔洗焗住食油浸米線然後，份量黎講，米線份量正常，食完夠飽。湯入面有大量酸菜，酸菜真係好多，食極都有，雖然唔係勁咸果種，但我就麻麻地酸菜，所以比曬對面果位同埋有芽菜，芽菜唔算好爽，味道普通。反而芽菜就冇咁多，如果芽菜份量多啲，酸菜少啲就好啦！仲有少少韮菜，唔可以講得上係新鮮。好啦！講返米線先。米線彈牙既，有咬口，浸耐左都唔會過淋，哩個位抵讚既。最後啦！主角好似變左係配料喎。配料記得要另上，如果唔係湯會浸淡左啲肉香同辣味，冇咁好食嫁！記得呀麻辣腩肉同豬肚份量都唔少，有成一碗咁多嫁！我最驚食肥膏，但哩到既腩肉唔會過肥，大部份都係瘦既，啱曬我！食落啖啖肉！肉既質地軟淋，唔會過韌又唔會完全無口感，唔錯豬肚絲切得都算大條，唔會一咬就無左，有咬口得黎唔會韌到咬唔開，都唔差！雖然麻辣惹味，但對於食唔到辣既我地黎講都會食到流鼻水。好似

作為一個米線迷，心中總有一個米線排行榜😌而第一名便是這家唯一雲貴川風味😍.不論是荃灣總店還是紅磡分店，都一直保持水凖，雖然兩家味道有少許不同，但兩家我都喜歡😋一碗米線好食與否，三個最關鍵的因素便是米線、湯底和配料。唯一雲貴川風味的米線較一般的米線粗，口感爽滑，重點是即使浸在湯底內一段時間仍保持到口感，不會變得太淋，還是很入味和順口.的而湯底加了很多酸菜、花椒、八角等材料，麻酸辣味都有齊，層次豐富。加上湯底有大量的芽菜韮菜附送，令整碗米線的口感更昇華👍🏻配料方面，我個人最喜歡的配搭是麻辣雞肉、腩肉和雲呑。麻辣雞肉醃得很入味，味道麻香之餘，雞肉還保有嫩滑的口感😋腩肉同樣也很入味，口感較爽，較一般的腩肉瘦，很有咬口。而雲吞是聽聞兩間分店不同的，荃灣總店是酸菜雲吞，紅磡的是菜肉雲吞。雲吞皮很吸汁，加上餡料豐富，深得我歡心💕

服務，食物味道完完全全輸比隔離間景霖正宗四川麻辣米線，成班黑口黑面，幫襯佢要預左比佢少。服務差換來的不是專業，有效率。這間麻辣米線的麻辣只是溝辣油，湯底只有辣油味，似乎想用辣味掩蓋劣質湯底 + 口感似硬膠的米線。老闆娘似乎唔憂做，賣單果陣同佢講要多份外賣，佢好似愛理不理，隔10秒先處理，眼尾都唔望一下，呢種當客人喺畜生的店還是少去為妙。價錢一樣，但似乎隔離間米線遠遠勝於這間辣油米線，譚仔都高呢間幾班。

雲南米線都有分好多糭，呢個同譚仔嘅味道非常之唔同。我叫左個辣腩肉魚皮餃清湯米線，佢個辣腩肉加落去個清湯度已經有小辣嘅感覺，所以如果本身唔食得辣嘅朋友就要注意個湯唔好再叫辣。個米線入面有啲酸菜同個湯非常之夾，食完之後成身汗，非常爽。

住荃灣食開荃灣個間.每個月都起碼食幾次.有次係紅磡見到咪試下.點知一試就瀨曬野！瀨野到令我懷疑佢究竟係咪荃灣嘅分店！我嗌勁辣.佢個湯純粹係係煮完之後落勁多枱面嘅辣椒油俾我，個湯仲要冇荃灣嗰間咁有誠意，最過分嘅係連份量都要少荃灣個間一半.仲要勁唔入味.總括嚟講呢間野係唔可以當荃灣嘅分店囉！失望到爆！

本來諗住九龍有分店唔駛行咁遠去荃灣 加上有好多樣餸揀就去試啦 點知就係咁出事喇門口格局一樣但米線完全兩回事 叫左酸辣腩肉蝦餅米線 同麻辣雞肉生根酸辣米線加涼拌皮蛋酸辣湯底非常差 辣味係嗆喉 一食第一啖已經喪咳 完全唔係荃灣嘅辣咁食得好舒服 跟住個米線係比較硬 蝦餅完全失望 麻辣雞肉係最好食嘅 至於涼拌皮蛋個汁係完全唔好味而且量比荃灣少左一隻半左右 荃灣間唯一雲貴川真係唯一 其他咩太子紅磡都係掛名完全無佢精髓 無回頭 仲難食過譚仔 遠d都去返荃灣

平時經過成日都見到好多人企係門口，以為味到會幾好。今日早左食飯決定去試下，點知一般般。我地兩個人，入到去其實有好多位，但幾乎全部都係打斜對面斜對面咁坐所以對我地兩個人黎講變左無位。門口旁邊有張枱因為牆既設計關係，其實得3.5個位，而已經坐左一個客、一個店員係道處理文件，所以唔係好坐到。結果唯有店員企身我地先有位。睇到個餐牌都幾失望，選擇唔係特別多之餘仲要有幾樣都無，結果我就試左個雞肉雲吞魚蛋唔辣紅薯粉，想同譚仔同川味比較一下。碗麵既賣相就一般般，味道都係一般般，雞肉就唔及譚仔既鮮嫩，雲吞就相當普通。平時見到咁多人食，但咁既質素都幾失望。而姐姐既服務態度就都算幾差，完全唔愁無客既態度。

小店位唔算多，但係個個食完走，都唔會話成日要等位咁。佢地gei辣腩牛係必食，平時我都會叫呢個加魚皮餃同，湯底小辣。本身湯底都已經有好多芽菜同酸菜。以前食開小辣湯底都好夠，不過最近好似淡左小小，不過叫中辣我又食到胃痛，所以依家都成日心大心細。另外佢仲有好多餸都好出名，麻辣雞肉同埋豬耳都好多人嗌，不過我叫慣左唔想轉😂

紅磡通左地鐵之後真係多左勁多人，自然亦都多左好多唔同的食肆。日本野啦丶韓國野啦丶BURGER等等。不過，我依然好享受係舊鋪食飯，例如呢間米線，就係讀書年代開始食到而家。我就點左麻辣腩肉丶辣豬耳同埋米線少辣。麻煩腩肉的部位比較爽身，而且唔會好似TAM仔咁7丶8成都係肥肉位，味道比較肉味重，而且麻辣的味道好強！肉的味道好香，煮得夠哂入味，正！豬耳唔算好脆身，但係煮得又係勁入味，口感唔錯，而且辣味十足。港式奶茶永遠係我最愛之一，甜味同茶味都好適中，而且唔會勁多冰搵你笨咁！佢地主打既有炭燒咖啡，但係因為夜晚所以今次冇飲，大家可以一試！

天氣好凍最岩食碗熱辣辣既米線突然想食呢間雖然唔算坐得舒服不過都可接受叫左個唔辣米線因為我叫左麻辣雞同腩肉佢地本身都有麻辣汁再要小辣就太辣啦湯底唔錯辣汁好好食要多杯豆漿都幾細杯唔算特別好飲埋單42蚊算抵食

見今日放假可以留係屋企最鐘意嗌雲貴川外賣嗌完15分鐘就送上黎今次嗌嘅係麻辣雞肉、豬脷、生菜清湯好足料！好大碗！成碗都係肉加上芽菜、酸菜 好夠味最鍾意佢嘅麻辣雞肉，餣得好入味咬落去有小小肉汁 浸浸麻香米線亦軟硬適中 #好味glo 麻辣雞肉已經令到碗湯辣辣地所以嗌清湯會岩岩好如果嗌中辣or小辣，碗湯上面會好多紅油

移民五年後回到這米線，香港人多了，小店少了，吵鬧了。食物質素呢，湯底稀了，淡了，油膩了，肉醬鞋了，一味死鹹了。腩肉硬了，一大片沒刀功可言了。坦白，很怕好食店出名了質素下降了。有時，吃，都是為了找回昔日的味道。這裡變了，香港變了。

I am a huge fan of anything spicy - I literally base my decisions on what to eat depending on whether the place has spicy food or not, so naturally I instantly connected with this place.I actually ate at the one in Tsuen Wan before I was able to find the one in Hung Hom. The one in Tsuen Wan is probably spicier (I had little spicy before and I thought it was hot but after a while I took medium spicy). You might be thinking - what? little spicy? this guy's weak! However, if you have been here, yo

我辣嘅我，突然好想食辣。想起唔食唔得，肥就肥，嗱嗱聲去食辣。同街有幾間食辣嘅，個人覺得，呢間招呼好啲，味道都唔錯。 呢碗唔多夠辣，唔知係咪要咗唔辣腩肉嘅關係呢？ 吃第1口，就感覺陣陣麻味。很對味，就係食完會口渴。