影片
更多
2022-12-30
541 瀏覽
本日相約朋友到10年無去既ICC觀景台欣賞香港既美麗夜景，睇完已經係8:30。諗住行去佐敦食，但朋友第二日又要返工 ，咁唯有係ICC 度食。ICC咁多餐廳，又貴又唔抵，我同朋友睇佐10間餐廳最後選擇佐呢間米芝蓮餐廳。食完呢餐，真係覺得我地無選錯餐廳! 打開個menu 見到最抵食就係呢個2人餐，我地就二話不說叫佐呢個set。新加坡米芝蓮2人餐(1) 蝦皮素肉鬆凍豆腐諗住係好普通既豆腐，點知意想不到咁好味! 最精華既就係豆腐既豉油，豉油帶有輕微辣味同甜味，將每啖既豆腐撈埋豉油一齊食，唔洗2分鐘，就將豆腐食哂，一定要點豉油黎食。我地食完整個豆腐仲餘下好多豉油，因為實在太好味既原因，我地將豉油倒埋去雞油飯唔好哂。(2) 黑松露墨魚蝦多士一共有4舊多士，每舊蝦多士既中間都有濃濃黑色既墨魚，配上黑松露既甘香，配搭一流。(3) 鳳利涼瓜乾貝燉龍骨雖然有涼瓜，但湯水飲一啲都唔苦，反而有苦瓜既甘香味。雪梨就係呢個湯既主角，非常滋潤同非常適合寒冷既冬天飲。唯一缺點係湯渣可能煲得耐，啲肉比較難咬，如果可以林啲啲就好啲。(4) 天天海南雞侍應同我地講天天海南雞就無雞既，所以我地最後選佐天更海南雞，岩哂我地啲懶
打開個menu 見到最抵食就係呢個2人餐，我地就二話不說叫佐呢個set。
新加坡米芝蓮2人餐
(1) 蝦皮素肉鬆凍豆腐
諗住係好普通既豆腐，點知意想不到咁好味! 最精華既就係豆腐既豉油，豉油帶有輕微辣味同甜味，將每啖既豆腐撈埋豉油一齊食，唔洗2分鐘，就將豆腐食哂，一定要點豉油黎食。我地食完整個豆腐仲餘下好多豉油，因為實在太好味既原因，我地將豉油倒埋去雞油飯唔好哂。
蝦皮素肉鬆凍豆腐
22 瀏覽
0 讚好
0 留言
(2) 黑松露墨魚蝦多士
一共有4舊多士，每舊蝦多士既中間都有濃濃黑色既墨魚，配上黑松露既甘香，配搭一流。
黑松露墨魚蝦多士
17 瀏覽
0 讚好
0 留言
(3) 鳳利涼瓜乾貝燉龍骨
雖然有涼瓜，但湯水飲一啲都唔苦，反而有苦瓜既甘香味。雪梨就係呢個湯既主角，非常滋潤同非常適合寒冷既冬天飲。唯一缺點係湯渣可能煲得耐，啲肉比較難咬，如果可以林啲啲就好啲。
鳳利涼瓜乾貝燉龍骨
22 瀏覽
0 讚好
0 留言
(4) 天天海南雞
侍應同我地講天天海南雞就無雞既，所以我地最後選佐天更海南雞，岩哂我地啲懶人。雞肉鮮嫩，唯雞肉伴隨既醬汁比較淡味，沾上另上既三款秘製醬汁就美味得多，一定要點黑色果款醬！
天天海南雞
33 瀏覽
0 讚好
0 留言
(5)海南雜菜煲
一上枱係滾緊同埋係咁出煙，明顯係岩岩即煮好新鮮製造。誠意可加！
雜菜煲有娃娃菜，小唐菜，粉絲，磨菇等等既配料，非常豐富。湯底有陣陣既雞湯味，應該有用到少少雞湯煲出黎既，最後我地差唔多連啲湯都飲哂。
海鮮雜菜煲
18 瀏覽
0 讚好
0 留言
雞油飯送上時有啲嚇親我地 😂，超大碗！兩個人都差啲食唔哂。
雞油飯
28 瀏覽
0 讚好
0 留言
味如其名，酸酸味味，飲落非常清涼既感覺。
酸柑桔蜜
15 瀏覽
0 讚好
0 留言
我飲佐朋友一啖，味道幾好，好多薏米。
滋潤薏米水
26 瀏覽
0 讚好
0 留言
總括而言，侍應服務態度友善，送菜速度快。
2人餐只需每人280蚊就有6樣野食連一杯野飲，可以講係ICC入面餐廳既清泉。我敢講係ICC性價比最好既餐廳。
張貼
