影片
更多
2020-05-11
2936 瀏覽
同老婆黎兩日一夜staycation預祝母親節，尋晚食完buffet，今日黎試米芝蓮三星中菜。由於尋晚餐buffet實在太豐富，所以我哋只係order咗幾個點心，同埋佢哋嘅得獎菜式。首先講吓呢度室內環境，我哋坐窗口位，有紅色落地窗簾，令我諗起個劇院 😂 感覺已經好高貴。一坐埋位佢哋就奉上三洋自家製嘅醬汁，一個係素XO醬，自家製豆瓣醬，同埋自家製豉油，好有心思。我哋叫咗原隻蝦餃，蟹黃燒賣，鮮蝦春卷。三樣點心個感覺都係啲餡多到要爆出個皮度，完全感受到下個moment佢要爆啦🐣我哋再叫咗蜜汁叉燒，蜜汁鱸魚。叉燒肥瘦適中，非常入味，入口即溶咁濟(係誇張咗少少嘅，不過真係好好味)。我張相有愧於佢，表達唔到嗰種好味。雪雨外皮好趣，入邊啲肉就啱啱好，完全冇over cook 👍🏻跟住就黎到重頭戲啦，佢哋嘅名菜「唐閣寶盒飯」，呢個飯入邊有帶子粒，洋蔥粒，蝦，同埋唔記得咗仲有咩材料，鋪上忌廉汁同埋芝士再焗，淨係講都流口水，嚟到一定要試 👍🏻最後輪到水果同甜品，特別想提嘅係嗰個梨並唔係一個梨，佢係一個中式甜品，入邊係紅豆蓉嗰啲，非常值得一試。總括來講，米芝蓮三星餐廳並非浪得虛名，老婆亦都好滿意呢一餐，又過
首先講吓呢度室內環境，我哋坐窗口位，有紅色落地窗簾，令我諗起個劇院 😂 感覺已經好高貴。一坐埋位佢哋就奉上三洋自家製嘅醬汁，一個係素XO醬，自家製豆瓣醬，同埋自家製豉油，好有心思。
我哋叫咗原隻蝦餃，蟹黃燒賣，鮮蝦春卷。三樣點心個感覺都係啲餡多到要爆出個皮度，完全感受到下個moment佢要爆啦🐣
鮮蝦餃，蟹黃燒賣，鮮蝦
53 瀏覽
1 讚好
0 留言
我哋再叫咗蜜汁叉燒，蜜汁鱸魚。叉燒肥瘦適中，非常入味，入口即溶咁濟(係誇張咗少少嘅，不過真係好好味)。我張相有愧於佢，表達唔到嗰種好味。雪雨外皮好趣，入邊啲肉就啱啱好，完全冇over cook 👍🏻
蜜汁叉燒，蜜汁鱈魚
44 瀏覽
0 讚好
0 留言
跟住就黎到重頭戲啦，佢哋嘅名菜「唐閣寶盒飯」，呢個飯入邊有帶子粒，洋蔥粒，蝦，同埋唔記得咗仲有咩材料，鋪上忌廉汁同埋芝士再焗，淨係講都流口水，嚟到一定要試 👍🏻
唐閣寶盒飯
101 瀏覽
0 讚好
0 留言
最後輪到水果同甜品，特別想提嘅係嗰個梨並唔係一個梨，佢係一個中式甜品，入邊係紅豆蓉嗰啲，非常值得一試。
鮮果配甜品
63 瀏覽
1 讚好
0 留言
總括來講，米芝蓮三星餐廳並非浪得虛名，老婆亦都好滿意呢一餐，又過一關 ✌🏻
張貼
