惠 (已結業)

聽聞呢個係米芝蓮👨🏻‍🍳廚師嘅餐廳，當然要慕名過嚟試吓啦。對於我來講廚師發板每一個菜都係唔同嘅小驚喜😍，因為餐牌冇寫，所以每樣嘢食我都會好期待。可以望住師傅一路整，一路食飯🍽，就好似一場表演咁，嘢食唔單止好味，每樣都凸顯出師傅嘅心機。🔱岩手縣廣田灣生蠔，師傅話每一隻生蠔都需要長時間飼養，好有心機，所以嚎味會好重，富有海水味。🔱煎帶子配上清涼嘅薄荷汁，帶子嘅兩邊都已經煎熟左，薄荷汁分解左佢嘅油膩感，熟咗都咁大隻又厚肉原本嘅帶子應該超大。🔱北海道馬糞海膽，色澤係橙黃色，超新鮮海膽味都濃郁，有creamy嘅感覺,加埋脆卜卜嘅紫菜，令人讚不絕口。