影片
更多
2023-08-30
82 瀏覽
今日好早起身，約咗人去灣仔跑步。回程時，路經軒尼詩道，見到有間新開滷味店，門口大大隻字寫住由米芝蓮師傅主理，反正午餐還沒想到吃什麼，即管試下。櫥窗放滿各式各樣滷味，除咗大大隻獅頭鵝之外，仲有鵝掌翼、滷水腩肉、紅腸、鵝腎、走地雞等，非常吸引。一坐低，店員已經率先為我倆送上每人一碗老黃瓜排骨湯，湯水夠曬火候，入口溫潤回甘。原來而家新張期內，堂食仲有飲品送，值得鼓勵。先嚟一份鮮鵝紅 ($48) 新鮮熱辣送上，賣相挺吸睛，食落口感非常嫩滑，唔會「起渣起窿」，加上吸收晒滷水嘅精華，啖啖滋味。第一次嚟緊係要試下佢哋嘅招牌獅頭鵝片 ($148)，鵝片厚度適中，鵝皮薄脆，鵝肉鮮嫩，肉質鬆軟腍滑，食落好香鵝味。連墊底嘅豆腐都好正，滲出油香及豆味，用嚟送粥一流！呢碗蠔仔粥 ($58) 真係值得畀個 Like，食材好新鮮，勁多蠔仔，大大隻、脹卜卜，入口鮮甜又唔腥，仲有少少芹菜帶出香味，兩個人 Share 啱啱好。一場嚟到，再點多碟滷水雜錦拼盤 ($108/小) 試下。雖然只係點咗碟細嘅，但原來份量一啲都唔少。有紅腸、墨魚、豬大腸、豬脷、豬耳、鵝腎、鵝肝等，仲有滷水豆腐同鹹菜墊底，用料十足。墨魚好新鮮，吃
今日好早起身，約咗人去灣仔跑步。回程時，路經軒尼詩道，見到有間新開滷味店，門口大大隻字寫住由米芝蓮師傅主理，反正午餐還沒想到吃什麼，即管試下。
櫥窗放滿各式各樣滷味，除咗大大隻獅頭鵝之外，仲有鵝掌翼、滷水腩肉、紅腸、鵝腎、走地雞等，非常吸引。
一坐低，店員已經率先為我倆送上每人一碗老黃瓜排骨湯，湯水夠曬火候，入口溫潤回甘。原來而家新張期內，堂食仲有飲品送，值得鼓勵。
先嚟一份鮮鵝紅 ($48) 新鮮熱辣送上，賣相挺吸睛，食落口感非常嫩滑，唔會「起渣起窿」，加上吸收晒滷水嘅精華，啖啖滋味。
第一次嚟緊係要試下佢哋嘅招牌獅頭鵝片 ($148)，鵝片厚度適中，鵝皮薄脆，鵝肉鮮嫩，肉質鬆軟腍滑，食落好香鵝味。連墊底嘅豆腐都好正，滲出油香及豆味，用嚟送粥一流！
呢碗蠔仔粥 ($58) 真係值得畀個 Like，食材好新鮮，勁多蠔仔，大大隻、脹卜卜，入口鮮甜又唔腥，仲有少少芹菜帶出香味，兩個人 Share 啱啱好。
一場嚟到，再點多碟滷水雜錦拼盤 ($108/小) 試下。雖然只係點咗碟細嘅，但原來份量一啲都唔少。有紅腸、墨魚、豬大腸、豬脷、豬耳、鵝腎、鵝肝等，仲有滷水豆腐同鹹菜墊底，用料十足。
墨魚好新鮮，吃起來有口感又唔會過韌。豬大腸夠肥美，入口豐腴軟綿。鵝肝甘香幼滑、入味又冇筋！
臨走見到師傅捧咗兩盆啱啱煮起嘅豬紅同潮州春菜出嚟，新鮮滾熱辣，非常誘人，可惜已經啱啱食飽，下次一定會再嚟幫襯。
張貼
