影片
更多
2010-05-03
266 瀏覽
名人坊早前被列入<米芝蓮指南香港澳門2010> 一星級食肆名單上,不知道有否因此人氣急升,今次特來看看她是否實至名歸.不愧自命名為高級粵菜,查看餐牌,盡是巧手貴價菜式,炒菜也要佰多元. 訂位時本來想預訂蛋白蒸蟹箝,售價為市價,再追問下,才知道大約會是每位$280,點解要咁貴?因為會用花蟹,生拆整隻蟹箝來蒸.雖然如此,6個人吃就成$1680, 食整隻花雕蟹都唔使咁貴喇!從網上得知主廚富哥曾任林百欣家廚,講究手工的家常菜較出色,況且是首次光顧,不打算吃鮑蔘翅肚,只想試試鎮店名菜及一些家常小炒. 是晚試菜如下:前菜:送的煎蘿蔔糕 - 卻是鎮店名菜之一,煎得香口及夠料主菜:金錢海鮮盒 - 賣相一流,好味但唔夠料,食落薯蓉多過海鮮,只吃到少許蝦及魚.可能是只售$30一件,這處算是便宜菜式.頭抽生蠔 - 生蠔盡吸收了頭抽的味道,煮得非常入味,連d薑蔥都好好味!菜遠牛肉 - 菜心及牛肉疑似分開炒,菜心質素高但炒得只是ok,牛肉就炒得有技術,沒有太多鬆肉粉,好味.但賣成$140碟就唔值,貴了人一倍.飛天花雕雞 - 果然是招牌貨, 軟滑肥嫩, 雞胸也一點不鞋, 帶微微花雕酒味. 我就喜歡
不愧自命名為高級粵菜,查看餐牌,盡是巧手貴價菜式,炒菜也要佰多元. 訂位時本來想預訂蛋白蒸蟹箝,售價為市價,再追問下,才知道大約會是每位$280,點解要咁貴?因為會用花蟹,生拆整隻蟹箝來蒸.雖然如此,6個人吃就成$1680, 食整隻花雕蟹都唔使咁貴喇!
從網上得知主廚富哥曾任林百欣家廚,講究手工的家常菜較出色,況且是首次光顧,不打算吃鮑蔘翅肚,只想試試鎮店名菜及一些家常小炒.
是晚試菜如下:
前菜:送的
煎蘿蔔糕 - 卻是鎮店名菜之一,煎得香口及夠料
主菜:
金錢海鮮盒 - 賣相一流,好味但唔夠料,食落薯蓉多過海鮮,只吃到少許蝦及魚.可能是只售$30一件,這處算是便宜菜式.
頭抽生蠔 - 生蠔盡吸收了頭抽的味道,煮得非常入味,連d薑蔥都好好味!
菜遠牛肉 - 菜心及牛肉疑似分開炒,菜心質素高但炒得只是ok,牛肉就炒得有技術,沒有太多鬆肉粉,好味.但賣成$140碟就唔值,貴了人一倍.
飛天花雕雞 - 果然是招牌貨, 軟滑肥嫩, 雞胸也一點不鞋, 帶微微花雕酒味. 我就喜歡洒味濃一點, 唔知廚司係咪擔心花雕會奪了雞味呢?講開又講,香港的雞始終不夠雞味,如果能用上走地雞,這道菜會非常好.
鮑魚鵝掌 - 鮑魚細細粒,都有d糖心,炆得夠淋但有質感,唔係罐頭鮑那些太淋的貨式.鵝掌欠少許時間,再多炆一會就更好。
冬菜蒸馬友 - 這個配搭合適,朋友話厚身的馬友比較難找,唔係好多餐館有得賣,吃落有少許似鰣魚,好滑.
富哥招牌炒飯 - 飯炒得剛好,唔會太乾或太濕. 但賣成二佰幾元郤無鮑魚同炒,依我所見就有些不值.
是晚每人四佰,又唔算不值,前菜及甜品皆是送的,而且服務週到,全晚皆有起碼一名侍應在旁邊,環境舒適.
如果喜歡傳統廚藝,不介意個別菜式偏貴,講究環境但又唔需要擔心味道出錯,名人坊值得一試.
張貼
