影片
更多
2020-10-08
39 瀏覽
之前上網見過雲壽司既介紹, 係由米芝蓮班底主理, 而且價錢走親民路線, 記低左諗住得閒去食! 今晚係銅鑼灣535 TOWER做完GYM, 行過對面就係雲壽司, 就一個人入左去食個晚餐。餐廳門面同環境走傳統日式風格, 就咁行過唔留意既話都唔會知佢係米芝蓮班底, 亦唔知有OMAKASE食, 入面位置唔多, 只有一排坐位圍繞住半開放式既工作間, 一踏入店面, 幾位師傅就精神奕奕咁歡迎客人, 好有日式待客個種朝氣! 透過BAR枱可以見到唔同既刺身食材, 師傅就係入面認真製作食物。MENU選擇有廚師發辦, 拼盤SET或者自行散叫, 今日自己一個揀左個特上壽司拼盤, 共有10件壽司。包括牧丹蝦, 赤貝, 火炙左口魚邊, 深海池魚, 鯖魚, 魴鉘, 海膽, 三文魚籽, 蔥吞拿魚腩, 拖羅。牧丹蝦爽彈黏口, 十分鮮甜。赤貝夠挺身, 入口彈牙帶脆。深海池魚味道清甜, 肉質爽口。鯖魚多為熟食或漬過後成為壽司, 依件鯖魚有光澤, 亦無醃漬過, 賣相已見到非常新鮮, 入口有咬勁又不失軟嫩, 十分鮮味。魴鉘肉質札實有口感, 味道清甜。火炙左口魚邊燒到迫出魚油, 入口即化, 肥美香口。海膽金黃一片片, 入口豐
餐廳門面同環境走傳統日式風格, 就咁行過唔留意既話都唔會知佢係米芝蓮班底, 亦唔知有OMAKASE食, 入面位置唔多, 只有一排坐位圍繞住半開放式既工作間, 一踏入店面, 幾位師傅就精神奕奕咁歡迎客人, 好有日式待客個種朝氣! 透過BAR枱可以見到唔同既刺身食材, 師傅就係入面認真製作食物。
MENU選擇有廚師發辦, 拼盤SET或者自行散叫, 今日自己一個揀左個特上壽司拼盤, 共有10件壽司。
包括牧丹蝦, 赤貝, 火炙左口魚邊, 深海池魚, 鯖魚, 魴鉘, 海膽, 三文魚籽, 蔥吞拿魚腩, 拖羅。
牧丹蝦爽彈黏口, 十分鮮甜。
赤貝夠挺身, 入口彈牙帶脆。
深海池魚味道清甜, 肉質爽口。
鯖魚多為熟食或漬過後成為壽司, 依件鯖魚有光澤, 亦無醃漬過, 賣相已見到非常新鮮, 入口有咬勁又不失軟嫩, 十分鮮味。
魴鉘肉質札實有口感, 味道清甜。
火炙左口魚邊燒到迫出魚油, 入口即化, 肥美香口。
海膽金黃一片片, 入口豐腴又CREAMY, 味道鮮甜濃厚, 超正~
三文魚籽飽滿又光亮艷麗, 晶瑩通透, 鮮味係口腔中爆開~~
蔥吞拿魚腩, 質感好RICH, 滿口魚蓉, 正!
吞拿魚腩, 中拖位置, 油脂均勻適中, 有油分香氣又不失口感, 滿足!
言談間知道依度既食材都係日本直送, 300蚊都唔洗可以食到如高質食材, 再加上米芝蓮班底, CP值真係好高, 望過依度既OMAKASE價錢都係$380-$680, 真係極之親民, 下次會約埋朋友黎食!
張貼
