容記小菜王

營業中

休息中

太子小菜既餐廳真係好多，不過有米芝蓮級既餐廳，不得不去呢一間。呢間餐廳一定要試佢哋既揚名國際燒肉，皮脆肉軟，再加上自家製既芥末醬，真係好好食，有分大同細份量，細份量都夠2至3個人食既，最緊要係肥得嚟吱嘅太膩。仲有叫咗個黃金鮮魷，鹹蛋黃十足，份量好足夠，佢炸得非常鬆脆。再加咗個招牌沙拉骨，佢嘅沙律醬都非常之豐富，沙律醬唔會遮蓋左個骨嘅味道。仲叫咗一個海皇撈粉絲煲，粉絲煲嘅粉絲非常充足，個賣相仲好豐富，唔似得其他餐廳嘅粉絲煲，只係得個鹹味，佢仲有唔同嘅海鮮，鮮味十足。最後梗係要一個蔬菜，就係蝦干干乾啫啫帝王菜，個菜非常之嫩口，仲要勁多蝦乾。米芝蓮味道但係平民級嘅價錢，所有食物大概$80至$100左右，真係抵食。